三星台菜食堂 (新城市廣場一期) (已結業)

🔸花雕雞髀麵呢碗麵有驚喜！如果鍾意食台灣出嘅花雕雞麵杯麵，應該都會鍾意三星嘅呢碗麵！雞肉軟冧冧，而且充滿住花雕酒嘅香味。湯底帶甜味，唔會太鹹。我哋揀咗刀削麵，麵條口感好好。🔸紅燒三星麵三星麵包括牛腱、牛肚、牛筋。牛腱如果再冧少少好味啲，牛肚夠香，牛筋夠冧。湯底比較鹹而且唔夠香味。我哋揀咗粗麵，麵條幾掛湯但太冧，同刀削麵相比就有啲失色啦。🔸第一鹽酥雞雞肉係bite size，咬落juicy，而且炸粉夠薄。🔸滷豬耳味道普通啦。