老地坊風味餐廳 (已結業)

踏入春天，襯仲有少少涼意，捉緊冬天既尾巴，打多轉邊爐先得。見到老地坊任飲任食，仲有雞煲添，岀發吧！好，坐低睇吓有咩好食先。調味料可以自己落。招牌花膠雞鍋，望落好足料，試吓個湯底先，飲落夠濃郁，仲有好多花膠，啲雞煮咗咁耐都係滑㗎。出面嘅自助飲食區，火鍋料全部放喺雪櫃裏面，感覺衛生乾淨。牛肉，豬肉，色澤紅潤，食落都好新鮮好有肉味。有肉當然要有菜，蔬菜有好幾款，夠綠油油，除咗有雞髀菇、粟米，薯仔夠粉，好食。