鮮入圍煮 (已搬遷) 新店位置

冬天Top 3既聚會當中，打邊爐一定有份﹗熱辣辣咁同成班朋友烚下烚下最開心。今次就揀左旺角既鮮入圍煮。餐廳旁邊有個小街市，大家可以自己出去揀海鮮，可以揀最新鮮既，一定唔會被人呃。花膠雞湯底湯底方面，呢度最出名既係花膠雞湯，真係有花膠係入面，而且數量仲唔少，真係好吸引。而且雞湯味道濃郁，雖然雞肉唔算好嫩滑但都唔會太乾，可以係冬天飲到暖胃既雞湯真係好正。白鱔片肉質鮮甜而且充滿彈性，食落無骨，好鐘意呢個口感。花膠墨魚丸大大粒既花膠墨魚丸，入面真係有花膠同墨魚粒，爽口彈牙，好有口感。花甲岩岩係出面揀既花甲雖然不算唔算大隻，但勝在肉質嫩滑，超鮮甜，食完仲想再食。竹笙放入鍋好耐之後仲保持到爽脆，吸收曬雞湯既湯底，意外地好好食。豆苗食左咁多肉係時候叫返D菜，翠綠既豆苗好爽口又鮮甜。最後提下大家記得要訂位，因為真係幾FULL。