膠得喜 (已結業)

位於佐敦既呢間膠得喜以花膠做主題，野食用花膠都正常，但估唔到老細癲到出埋花膠奶茶、花膠檸檬柚子蜜同花膠蛋白杏仁霜😂原諒我未有勇氣去試花膠飲品，最後我淨係叫左個花膠豬扒肉燥飯，Lunch去仲會跟個花膠雞湯添🤪個湯味道好濃，本身以為佢會起碼比一舊仔花膠，但結果係咩湯料都無😂個肉燥飯超大碗，但佢一上到黎既時候我好困惑：花膠呢？😶左撥右撥先發現D花膠原來切碎左撈埋左喺D肉燥入面😂同我預期中既好大出入😂-豬扒炸得幾香脆，但個炸皮好厚，基本上無乜肉食，肉燥就無乜特別，而最重要既花膠食落同望落都唔似花膠😂撈埋d肉燥嚟食存在感好低😐-食完之後都好夠飽既，但食物質素真係唔多掂，無下次了😢