💥 花晨月夕 💥
大隻仔今次介紹一間尖沙咀好抵食 omakase lunch ，性價比超級高，$588 已經包4款刺身，6件壽司，細湯烏冬、甜品、前菜，而且每一款擺盤都十分精美。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️⭐️
加一服務費 ✅
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 前菜
沙律菜 -柚子汁沙律，酸酸甜甜好開胃。
麵豉湯 - 用魚骨熬製鮮味湯底，鮮甜而不腥。
茶碗蒸 - 鋪滿新鮮蟹肉，蒸蛋十分之滑，好好食。
🔥 刺身 - 真鯛甜蝦他他
將薄切真鯛片捲住甜蝦他他，配上柚子醋一齊食，不單止擺盤精美，味道都十分之夾。
🔥 刺身 - 鱈魚白子
大隻仔好鍾意呢碟刺身，白子十分之滑溜，放落口就已經滑落喉嚨，而且白子處理得好好完全冇腥味。
🔥 刺身 - 北海道毛蟹海膽
毛蟹十分新鮮，蟹肉一梳梳，配上creamy既然海膽，簡直就係雙倍享受。
🔥 刺身 - 煙燻鰤魚
厚切鰤魚，鰤魚肥美有淡淡油脂香，經過煙燻處理，帶有香濃煙燻味道。
🔥 6貫壽司
深海池魚 - 新鮮爽口
白三文魚 - 充滿油香
日本帶子 - 超級大件
地金目標 - 充滿煙熏味道，好好食
和歌山拖羅 - 油香豐富，好好食
北海道赤海膽 - 海膽壽司灑上淡雪鹽唔需要調味，已經好好食，可以加入紫蘇花，增加香味。
🔥 腐皮烏冬
選用幼身烏冬，配有昆布海苔，甜腐皮上面灑上白芝麻，香味更加突出。
🔥 甜品
開心果雪糕
