花宵 (已結業)

打風唔成三日雨，雖然打唔成風，但係香港今日落咗成日雨，但係都要出街食飯輕鬆吓，今晚約咗朋友食日本嘢，朋友話試過呢間幾好介紹我試吓😊銅鑼灣登龍街，都好多食肆，佢介紹得，一定有水準，我都好期待😚坐低之後，朋友發板，首先上枱嘅係北海道新鮮八爪魚🐙，賣相精緻，切成一片片薄片，上面鋪上蟹籽，最特別就係中間有幾粒八爪魚嘅吸盤，彈牙爽口，感覺好得意，整體鮮甜味美，別具特色👍🏻扇貝烤得好香，保留左本身嘅鮮味，清理得好乾淨，上面有蟹籽，我特別鍾意食群邊，好爽滑👍🏻另外叫咗幾款串燒，價錢都係二、三十元起，非常超值，火候啱啱好，師傅功力唔錯😍一口牛，肉脂平均，肉香而不膩，配上芥末，提升鮮味不少😋原條深海池魚刺身，刀工細利，部份厚切，另外薄切，入口有不同質感，配上特製醬汁，零舍不同，我十分喜歡💕磯燒鮑魚，厚切一片片，特製醬汁，一口一片，爽口彈牙鮮味兼而有之，不可不試🤤兩款壽司，左口魚邊、銀雪魚，同樣係火炙，魚邊配紫菜要盡快食，脆卜卜，又香又有過癮，另外果款已經教好哂味，高質👍🏻嗌到成枱都係，埋單人均消費大概四百幾，真係唔敢相信，服務招呼又好，唔怪之得我朋友咁推薦，果然冇介紹錯👍🏻