至尊滿屋日本料理 (已結業)

好耐無食放題, 搵下原來旺角都開左好多, 揀左呢間至尊滿屋, 因為食過尖咀既姐妹店滿屋唔錯, 一於試下旺角呢間先, 地點就響瓊華中心, 成棟都開左好多餐廳, 食野要預多D時間搭'車立'.三文魚刺身+玉子, 三文魚幾新鮮, 無雪味. 玉子夠厚, 少少甜味幾好.花之戀, 舊飯較細可以一口食晒, 唔會跌到D蟹子四圍都係, 三文魚同蟹子都新鮮.要左款"季節限定"既創作壽司, 分別係"秋"既吞拿魚, "冬"既蝦, "春"既三文魚, 賣相靚, 味道唔錯, 飯唔會太硬.蟹子沙律, 青瓜絲幾爽口, 食完可消濟. 八爪魚前菜, 個醬唔會太辣, 夠爽口.腩肉芝士腸, 腩肉卷埋腸燒香個面, 脆脆地好香口, 芝士腸一咬夠爆芝. 鹽燒雞翼, 個面燒到夠香脆, 唔會太乾, 鹽燒咸咸地吊下味.香草羊鞍, 無燒得太熟太老, 羊味濃, 肉質夠嫩夠juicy, 香草味唔會太濃.炸帶子夠香口, 唔會太油膩, 帶子爽口, 個汁甜甜地幾好味.清酒煮扇貝, 好香清酒味, 粒粒都夠肥美爽口.最後每人有一盒名牌雪糕, 雪糕夠軟滑, 完美滿足.