花居酒屋 (已結業)

今日去左荃灣海壩街「花居酒屋」買日本外賣返屋企做晚餐～店內裝修充滿日本和風味道。疫市下餐廳設有花之二人前外賣自取，價值$388，套餐包左前菜、刺身、燒物、揚物及食事，另外亦有四人套餐前菜 — 和風芥末蕃茄三款前菜裏面揀咗和風芥末蕃茄🍅蕃茄好juicy，底下有雜錦沙律菜墊底，配上和風芥末汁，清新美味刺身 — 雜錦刺身盛刺身有以下四款：帶子、甜蝦、吞拿魚、三文魚。望落去有光澤好新鮮，三文魚同吞拿魚都好肥美，帶子同甜蝦就好鮮甜，高質素燒物每款串燒都有兩串，雞肉串啖啖肉，加左鹽粒燒到外脆內嫩。黑豚腩肉串好肥美，充滿豬肉脂香。蒲燒茄子都好好食呢揚物起初睇餐牌以為得一款海老天婦羅，點知原來係雜錦天婦羅！有蝦、秋葵、番薯、南瓜、冬菇、茄子🍆天婦羅炸粉外皮厚薄適中，金黃香脆，邪惡美味！個人認為最好食係天婦羅蝦同番薯食事 — 白飯及麵豉湯主食可以揀手打烏冬或者白飯及麵豉湯。日本珍珠米飯偏軟身，有米香。麵豉湯勁足料，裏面有好多海帶及菇