美心西餅 (已結業)

原來美心既燒餅出左新口味呀!係芝麻味!呢款新口味日式燒餅係黑芝麻味,我幾鍾意黑芝麻味道架,尤其係甜品,例如黑芝麻雪糕咁,就好好味喇!呢款燒餅食落有好香既芝麻香,而且個餡都算厚身,咬落有口感,份量算係剛剛好,唔會太多食到漏左出黎,亦唔會太少到喉唔到肺,比起紅豆,感覺好少少,其實紅豆都好味,但係可能黑芝麻有新鮮感卦,又好似再好食少少咁,反而花生醬味我就真係唔太喜歡...黑芝麻餡既日式燒餅,值得一試呀!順帶一提,美心同時推出焦糖味雪芳蛋糕,我未試,但想試,試左既食家不妨評一評啦!