影片
更多
2023-09-13
377 浏览
今日一行8人，又要有得book位，又要係筲箕灣，我哋知道哩度一定有位。已經係第二次黎哩度，上一次得3個人，今次有8個人，可以試多好多嘢😍Baked Clam Chowder ($78)酥皮焗周大蜆忌廉湯有人想飲酥皮湯，但係一人一碗就太多。最後叫咗3碗，8個人分，真係考起我 😵💫每人都要有酥皮，又唔係可以整到太碎。酥皮好鬆碎，忌廉湯唔係太咸，係好懷念嘅味道。不過3碗湯，要多5個碗，職員聽到嘅時候，唔係好高興😬Dirty Cheese Pizza ($198)熔岩芝士洋蔥餡餅無論食咩，都避免唔到極邪惡嘅芝士 😆哩個熔岩芝士餡餅真係好誇張，一切開，只係得芝士同洋蔥。成個餡餅只係得芝士同洋蔥，無其他餡料，切嘅時候，好容易就切會爛哂。但完全唔會影響佢嘅味道，好好食。如果有叫薯條，一定要留啲芝士點薯條食。Vongole Anglehair ($145)白酒蜆意大利天使麵蜆肉分量好多，隻隻都有肉。但係天使麵辣椒都幾重手，食到辣味。食唔到辣嘅朋友要留意。Carbonara ($145)卡邦尼意大利蛋麵係一個好安全嘅意粉。加埋溫泉蛋，個醬汁好creamy，好食。Dirty Steak ($398)Di
已經係第二次黎哩度，上一次得3個人，今次有8個人，可以試多好多嘢😍
Baked Clam Chowder ($78)
酥皮焗周大蜆忌廉湯
有人想飲酥皮湯，但係一人一碗就太多。
最後叫咗3碗，8個人分，真係考起我 😵💫
每人都要有酥皮，又唔係可以整到太碎。
酥皮好鬆碎，忌廉湯唔係太咸，係好懷念嘅味道。
不過3碗湯，要多5個碗，職員聽到嘅時候，唔係好高興😬
Dirty Cheese Pizza ($198)
熔岩芝士洋蔥餡餅
無論食咩，都避免唔到極邪惡嘅芝士 😆
哩個熔岩芝士餡餅真係好誇張，一切開，只係得芝士同洋蔥。
成個餡餅只係得芝士同洋蔥，無其他餡料，切嘅時候，好容易就切會爛哂。
但完全唔會影響佢嘅味道，好好食。
如果有叫薯條，一定要留啲芝士點薯條食。
Vongole Anglehair ($145)
白酒蜆意大利天使麵
蜆肉分量好多，隻隻都有肉。
但係天使麵辣椒都幾重手，食到辣味。
食唔到辣嘅朋友要留意。
Carbonara ($145)
卡邦尼意大利蛋麵
係一個好安全嘅意粉。
加埋溫泉蛋，個醬汁好creamy，好食。
Dirty Steak ($398)
Dirty牛扒 16oz
牛扒煎好香好靚，配菜有薯條同焗熟咗嘅蒜頭。
肉質都好淋。
留咗啲薯條點個芝士餡餅食🤤
Margarita Pizza ($155)
番茄香草芝士薄餅
薄餅會有一個層架上，可以放喺其他食物上面，無咁阻地方。
薄餅熱辣辣，香噴噴，調味岩岩好，唔會太咸。
醬汁份量同樣岩岩好，唔多唔少，個薄餅唔會太濕或者太乾👍🏻
Bananarama Shake ($68)
餐廳嘅飲品好適合打卡。
賣相滿分💯
Dirty Chocolate ($55)
Dirty Coffee ($48)
朱古力無咩特別，中規中矩。
杯sorry coffee 真係好 dirty，成個杯墊都係奶，每次拎起都會成手污糟哂，一係就滴到周圍係。
味道係正常的，只係同平時認知嘅 dirty 有啲分別😅
如果多人食的話，又食厭東大街，可以考慮黎哩度試吓。
张贴
