麵包新語 (佐敦薈)

营业中

休息中

秋冬季節總有很多餐廳都會推出好多不同芝士嘅菜式，而我呢個芝士控當然唔會錯過每一個機會，我基本上一見到唔同嘅芝士食物我都忍唔住去試。而今次BreadTalk亦都推出咗以芝士為主打嘅麵包同埋蛋糕令到我呢個芝士控真係洗哂口水。店外已經見到展示咗一個非常搶眼廣告宣傳，遠距離都見到新推出嘅芝士麵包。個人都引唔住試佢幾款芝士麵包。蛋糕凍櫃亦都非常多款式，最後我就揀咗兩款麵包同埋呢個檸檬芝士蛋糕。拿起芝士老實講其實改個名嗰個人都幾有諗頭，因為呢個麵包真係好似拿起咗一個好濃郁嘅芝士。味道方面亦相當之唔錯每一啖都食到芝士嘅醬汁，而我食之前就叮咗10秒令到麵包更加之軟熟，真係遠距離都聞到佢嘅芝士香味。跟住就到檸檬芝士蛋糕，芝士非常之香濃滑溜，而加上表面嘅檸檬醬令到食起上嚟唔會話好油膩，反而加咗一點清新感覺，最重要甜度剛剛好。巴馬城雞肉，麵包個名都幾特別，佢亦非常足料，每一啖除咗有芝士之外就是雞肉，味道都唔錯。希望下次有機會食埋其他芝士嘅麵包啦。