媽咪雞蛋仔 (已結業)

哩間雞蛋仔原來喺深水埗開左間，喺正囍囍斜對面，本身唸住試下原味，但聽到前面嗰個幾個都叫芝士，咁就叫左芝士味雞蛋仔，收銀推左個鮮榨檸茶比我試下，好啦唸唸下都叫左，仲可以減$4, 無啦啦洗左$42,😱😱， 比完錢都有D肉赤，人多，要等10分鐘，攞到手熱，快快脆脆影相先，個型都幾靚，望落去都見到芝士，側邊又有D溶溶地既芝士，食落好脆身，好香芝士味，每粒都有芝士，好包滿，但又唔覺得好漏。加埋杯檸茶，好refreshing, 杯野細細杯，好就好在佢無冰，否則都唔使有幾多啖，但杯野有檸檬溶，酸酸甜甜可以解番芝士，就係咁唔覺唔覺就食晒，有下次