瑪拉小廚 (已結業)

話說第一次到訪，之後便對這閰店子念念不忘了，好簡單，訂座時的服務員禮貌很好，好親切，加分！食物好又加分，環境好再加分，服務員亦都加曬分！點唔令我返轉頭呢？ 今天是他牛一，為了特別D,便預先向訂座的服務員詢問有沒有寫Happy Birthday服務！佢就話可以，仲叫我放心喎。其實今天他生日，正好有個藉口再次來到Mala's 我們準時到達！佢都讚環境好好！男服務員我諗係老闆……又係熱情招待，今次亦都叫左至愛沙律，叫埋香蒜蝦意粉和炒蜆！二人份量剛剛好！太開心！今晚又可以食香芒魚柳沙律！酸酸甜甜，好開胃。炒蜆勁好味，冇沙，醬汁一流！意粉！未食過咁好味既意粉！蒜蓉香到不得了，每條意粉都沾上蒜油，本來很怕吃蒜蓉的我，都爭住吃多幾根意粉！真係煮得洽到好處。虾……好似變左配角咁 但都十分讚！重點黎啦！同老闆示意埋單，叫佢上chocolate Brownie 同寫Happy Birthday^^, 突然間……生日歌播放着，他雖然尷尬，但我們很享受今晚！氣氛好正，好開心，brownie雖然比不上其他出名的甜品店，就係鐘意這店對客人既好好款待和用心製作！有一定再黎架！