影片
更多
2017-08-21
139 浏览
踏入八月，是我生日的月份，飯局一個接一個細妹知道我最喜愛食鐵板燒，所以精挑細選左呢間~心鐵板燒作為我慶生的第一餐我們訂了7:30pm的枱，店員安排了我們坐最入的那張吧枱，直望便可清晰地欣賞到維港漂亮的夜境一邊欣賞廚師的表演, 一邊享受美食,很滿足我哋揀咗個鐵板燒特選2人套餐， 頭盤是火焰吞拿魚腩配北海道螺肉沙律紅莓汁， 擺設十分精美， 吞拿魚腩燒到好香口，有豐富嘅魚油， 北海道螺肉沙律味道清新，配個紅莓汁酸酸甜甜，很開胃餐湯方面我揀咗龍蝦湯，細妹就揀咗黑松露蘑菇湯， 令人意想不到嘅就係眼前嗰兩壺鐵壼,係用嚟裝住啲餐湯 廚師將兩隻蝦喺鐵板上煎熟咗之後,加落我個龍蝦湯度, 即時覺得自己著數咗龍蝦湯非常濃郁, 很鮮甜，廚師喺碗湯上用忌廉寫咗個心字，非常細心， 加埋個蝦肉一齊飲， 口感非常豐富另外個黑松露蘑菇湯就非常之足料， 有粒粒嘅蘑菇肉同帶有黑松露嘅香味， 加埋個意大利多士一齊享用，感覺上好似食緊西餐咁 食完頭盤加埋飲完個湯之後就來到海鮮正式出場喇 首先是翡翠鮑魚配柚子醋汁， 廚師非常熟手，手起刀落咁樣將鮑魚嘅內臟切開， 鮑魚煎得熟度啱啱好， 入口香口煙韌彈牙，配埋個柚子汁同啲菊花瓣一齊享
細妹知道我最喜愛食鐵板燒，所以精挑細選左呢間~心鐵板燒作為我慶生的第一餐
我們訂了7:30pm的枱，店員安排了我們坐最入的那張吧枱，直望便可清晰地欣賞到維港漂亮的夜境一邊欣賞廚師的表演, 一邊享受美食,很滿足我哋揀咗個鐵板燒特選2人套餐， 頭盤是火焰吞拿魚腩配北海道螺肉沙律紅莓汁， 擺設十分精美， 吞拿魚腩燒到好香口，有豐富嘅魚油， 北海道螺肉沙律味道清新，配個紅莓汁酸酸甜甜，很開胃
餐湯方面我揀咗龍蝦湯，細妹就揀咗黑松露蘑菇湯， 令人意想不到嘅就係眼前嗰兩壺鐵壼,係用嚟裝住啲餐湯 廚師將兩隻蝦喺鐵板上煎熟咗之後,加落我個龍蝦湯度, 即時覺得自己著數咗
龍蝦湯非常濃郁, 很鮮甜，廚師喺碗湯上用忌廉寫咗個心字，非常細心， 加埋個蝦肉一齊飲， 口感非常豐富
另外個黑松露蘑菇湯就非常之足料， 有粒粒嘅蘑菇肉同帶有黑松露嘅香味， 加埋個意大利多士一齊享用，感覺上好似食緊西餐咁
食完頭盤加埋飲完個湯之後就來到海鮮正式出場喇 首先是翡翠鮑魚配柚子醋汁， 廚師非常熟手，手起刀落咁樣將鮑魚嘅內臟切開， 鮑魚煎得熟度啱啱好， 入口香口煙韌彈牙，配埋個柚子汁同啲菊花瓣一齊享用， 即時帶走油腻嘅感覺
本身個套餐係配西班牙紅蝦，但龍蝦控嘅我揀咗加多$300要一隻新鮮嘅龍蝦 睇住廚師將隻仲郁緊嘅龍蝦按住係鐵板上度燒，好似好殘忍咁 所以我會好好享用令到佢死得值得😅
龍蝦肉每人分到四舊，一入口，滿口鮮甜味，肉質彈牙香口
成晚第二期待嘅牛舌心出場 牛舌燒到五成熟,入口即融, 非常香滑, 肉汁豐富, 廚師調配到鹹味啱啱好, 不需要點任何醬汁, 如果你本身比較重口味,碟邊仲會有啲海鹽比你自己調味
和牛肉眼心， 我哋要求五成熟， 廚師煎完後將肉放喺茄子上吩咐我哋食完啲肉先食啲茄子，牛肉鮮嫩多汁，材料應該很新鮮
美國肉眼薄燒， 中間包住咗啲潰物同牛蒡,甜甜地，都不錯
食完啲主食後，仲有一啲季節野菜，比你清一清新個口腔，之後就輪到我食鐵板燒最鍾意食嘅炒飯， 呢個炒飯名叫做小女子炒飯， 最初我同細妹講係咪因為廚師係女仔所以就叫小女子炒飯？ 跟住問咗廚師，佢話都可以咁講，但小女仔嘅意思係等於醃製過嘅白飯魚笑死大家🤣🤣呢個炒飯炒得粒粒分明, 很有鑊氣 而且廚師會問你要唔要葱，好細心， 雖然炒飯很好食， 但因為嗰套餐用料豐富，所以都到最後只係食到半碗
最後甜品可以揀雪葩口味， 我哋揀咗柚子味雪葩， 旁邊仲有個反烤蘋果撻， 味道不會偏甜， 酸酸甜甜嘅柚子雪葩為我哋嘅口腔清新一下， 為呢一餐豐富嘅晚餐畫上完美嘅句號
呢度服務員殷勤細心， 雖然係食鐵板燒，可 能是抽氣方面設施做得很好，所以食完都唔會有一身嘅油煙味，值得一讚
张贴
