影片
更多
2018-09-17
3555 浏览
衷心推荐呢间餐厅俾大家，无论食材，卖相，服务定系味道都系满分。相比我之前食过几间既Omakase，铁人旨花既厨师发办最令我满意，每款菜式都比到惊喜我，每一口都系满满幸福既感觉，实在令我回味无穷，而且师傅会详尽讲解每一款食物，店主又会主动问我地意见，关心我哋够唔够饱，服务一流，非常值得我去写一个好评去支持❤️-坐系吧枱，可以近距离欣赏师傅大显功架。前菜包括：静岗县蕃茄，八爪鱼，和牛海胆 蕃茄上轻洒上水晶岩盐，味道更丰富。慢煮八爪鱼🐙入口软稔，配上秘制酱汁，味道香浓，入味。和牛海胆经轻轻炙烧过，和牛介乎生熟之间，油香四溢，配上海胆既甘甜，为今餐揭开序幕。前菜已经好出色，估唔到接落黎既刺身更加惊艳。金色既盒子盛载住四款刺身，卖相精致，贵气逼人。池鱼肉质软滑，配上咸香绵滑既海胆，令人欲罢不能。赤贝爽口弹牙，鲜甜美味。而油甘鱼同金目雕肥美厚肉。每一款刺身都各有特色，令人回味。东星斑，肉质较为结实。我觉得个精髓在于鱼皮，经炙烧过后香味升级。第一次食脑天，即吞拿鱼头顶肉，一条吞拿鱼只得两片，非常矜贵。脑天筋少而脂肪多，油脂丰腴，油香满溢。-接落嚟就系寿司既环节啦👏🏻特别要赞一赞个配菜，萝卜经柚子腌过，
-
坐系吧枱，可以近距离欣赏师傅大显功架。
前菜包括：
静岗县蕃茄，八爪鱼，和牛海胆
蕃茄上轻洒上水晶岩盐，味道更丰富。
慢煮八爪鱼🐙入口软稔，配上秘制酱汁，味道香浓，入味。
和牛海胆经轻轻炙烧过，和牛介乎生熟之间，油香四溢，配上海胆既甘甜，为今餐揭开序幕。
前菜已经好出色，估唔到接落黎既刺身更加惊艳。金色既盒子盛载住四款刺身，卖相精致，贵气逼人。池鱼肉质软滑，配上咸香绵滑既海胆，令人欲罢不能。赤贝爽口弹牙，鲜甜美味。而油甘鱼同金目雕肥美厚肉。每一款刺身都各有特色，令人回味。
东星斑，肉质较为结实。我觉得个精髓在于鱼皮，经炙烧过后香味升级。
第一次食脑天，即吞拿鱼头顶肉，一条吞拿鱼只得两片，非常矜贵。脑天筋少而脂肪多，油脂丰腴，油香满溢。
-
接落嚟就系寿司既环节啦👏🏻
特别要赞一赞个配菜，萝卜经柚子腌过，再洒上柚子粉，效果就好似西瓜配话梅粉咁，相得益彰。萝卜冰凉爽口，味道酸甜，食到停唔到口😋用黎解腻一流。
白虾上面既粒粒系手指青柠同三色芝麻，增加好口感同味道层次。寿司饭入面加左少量芥茉，又轻轻洒上豉油，其实无需再额外蘸豉油都已经好好食，可见师傅既细心。
-
深海池鱼肉质结实，鱼味香浓。
新鲜秋刀鱼先会拎黎做刺身，接近秋天，秋刀鱼亦都愈黎愈肥美。最特别系配上姜葱，好似九唔搭八咁但又几好食。
呑拿鱼背位，油份不多。上面系脂肪，用黎增加油份，入口甘香。
赤卢鱼，入口软稔，好香口，有入口即融既幸福感觉☺️
上层铺满新鲜海胆，口感绵滑，味道香浓而且唔腥，完全满足到我呢个海胆控😋我朋友唔食海胆，师傅就为佢准备左吞拿鱼蓉，但我都系钟情于海胆多啲。
食完海胆有啲腻，饮返碗热腾腾既蚬汤就岩啦。汤既口味较淡，正好清一清喉咙，一解腻感，而且蚬都好新鲜，咬落去多汁，可见餐厅严选食材。
甜品系柚子雪芭同豆腐雪糕👍🏻
柚子雪芭清新怡人，绝不甜腻，入面仲有粒粒柚子。豆腐雪糕🍦豆腐味道较重，比较甜，都系柚子雪芭较合我口味。
-
仲有香煎带子同拖罗都非常好食！食得相当之饱！今晚既Omakase令人难忘，卖单每人$1408。厨师发办黎讲价钱合理，食物绝对对得住个价钱，而且每款食物(除左蕃茄因为我唔食😭)都比到惊喜我，黎紧都会推荐比朋友👍🏻
张贴
