Potluck Eatery

黎过几次觉得环境气氛同味道都好唔错，不时都会同朋友再黎。炭烧美国安格斯肉眼烧得好好，五成熟都冇乜血水，除咗有炭烧香味之外本身牛味都好浓，肉质软腍，媲美正宗扒房嘅出品。 钟意配菜有几大片栉瓜、秋葵同薯仔，好fresh。芝士菠菜龙虾蟹肉意粉卷估唔到系好似蛋卷咁嘅卷法，除咗面头嘅龙虾钳之外，意粉入面就系满满嘅蟹肉同龙虾肉，足料到爆，物有所值。 尤其钟意龙虾钳用咗天妇罗嘅做法，外皮好薄，鲜味浓郁。明太子薯条新鲜炸起香喷喷，外脆内软，薯味好香，就算摊冻咗都食唔停口咁好味。 明太子酱都几惹味，但薯条本身比佢更突出，钟意重口味嘅可能拣黑松露酱会啱啲。不得不提最后佢个荔枝味雪糕好impress到我，系好天然自家制嘅味道，必叫。