上車車仔麵 (已結業)

又係石門系列🦉，一直好鍾意食車仔麵，唔多黎石門但每次黎既時候都食呢間～疫情關係依家店鋪做緊$40三餸優惠，我地兩個人分別叫左兩碗$40麵，仲可以交換餸食，幾抵食❤️🧡陳村粉 魷魚 牛面肉 魚皮餃 $40呢間車仔麵店其中一個特別之處係有得揀陳村粉！好多地方都無，如果鍾意食陳村粉既朋友就真係有試下啦～麵身好掛汁，但有少少油。餸方面魷魚爽口既，切得細細條方便入口，但就無話食到咩特別既調味，比較普通。上次黎既時候食過牛腩覺得幾入味幾腍，所以今次就試下牛面肉，但今次有少少硬同多筋，有一舊切得比較大既係完全咬唔開😭🧡米線 蘿蔔 冬菇 牛面肉 $40今次叫外賣，米線有分湯，所以都無話會太腍，食落都幾有口感蘿蔔有兩大舊，好腍無渣，仲好入味，好食。冬菇燜得好入味而且彈牙👍🏻呢間食過幾次都係外賣，但一樣覺得好好食，第一次無望清楚$40三餸店員仲提返話要三餸會抵d🥹，大家行過有時間都可以支持下良心小店💛味道：8/10性價比：8.5/10📍上車車仔麵沙田石門安群街3號京瑞廣場1期地下G06號舖📌人均消費: below $50 #hkfoodie #hkig #hkfoodieblogger #石門美食 #沙田美