走肉蔬食研究所 (已結業)

最近食得太多，想清清地食素菜， 呢間店屬於新派素菜，研究員服務態度好好， 第一次嚟食乜都唔知， 好細心講解畀我哋知。 食店環境好有學校feel， 坐得幾舒服。牛肝菌炒意粉($75)幾好食， 意粉淋咗少少 ， 但係即炒幾新鮮 ，菇味濃。 推薦印尼串燒薑黃飯($75)，串燒好好味， 蛋黃配合啲薑黃飯正。 加咗少少錢配特飲，熱柑桔話梅蜜($10)好醒胃， 野莓桔梗冰茶($15) 有啲似利賓納。 食完一餐都唔覺得口渴，冇味精，菜乾湯都幾足料好味， 紅豆沙就淡啲，$75包自助沙律吧，湯同糖水，都幾抵，下次再去荔枝角一定會翻兜。