潮州人 (已結業)

因為良心去試吓，點知有極大驚喜：湯底清，甜，不膩，但味道足。米粉應該係新竹，幼滑。本人比較大食，加低卡$8，之後飲埋啲湯，飽到飛起。我食牛肉，真係冇得頂，鮮，甜，爽口。老婆食花膠，厚身，大大塊，炆得好入味，性價比高。叫咗碟雞油菜心，好香嘅雞油味，但係唔會油淋淋，點到即止，啱啱好，非常驚喜。小食叫咗雞翼，煮得腍身，但係冇過火欄晒，入味，好食。