I's Land Cafe (已結業)

觀塘樓上Cafe極多，今次就嚟咗I’s land cafe。餐廳裝潢都幾綠化，有好多懸吊植物，加上燈光充足，令人精神為之一振。Set lunch選擇唔多，不過款款都想食，價錢亦好合理。餐包都幾特別，唔係搽牛油，係蘸意式番茄醬，酸酸地幾開胃。餐湯係意大利菜湯，又係酸may may，蔬菜極多，開胃又幫助消化。香草白酒香煎深海鱸魚配牛油檸檬汁$108。鱸魚肉極滑，香煎得好香口。配上清新沙律，都幾健康。薯蓉唔係普通薯蓉而係紫薯薯蓉，好有特色。跟餐可以飲是日鮮果汁，好多果肉，真材實料。呢度都坐得幾舒服，食物水準不錯，可再光臨。