滿樂潮州 (美麗華廣場1期) (已結業)

今日請咗半日假，同朋友去美麗華商場嘅百樂潮洲飲個茶，餐廳座位非常寬敞，不論係兩至三人還是五至六人入座，都會坐得舒舒服服。一入座侍應會先提供功夫茶比大家消消滯。 茶位每位15蚊。另外咸菜、小食15蚊。潮州鮮蝦筍粿可以揀煎或蒸，我哋揀咗煎，香口啲。表面煎到金黄色，入面包住筍同蝦，口感豐富。鮮蝦蟹籽燒賣面頭鮮蝦夠大隻，粒粒完整無鬆散，好味！炸芋絲春卷非常香脆，食落啖啖芋蓉。蜜汁叉燒腸腸粉白滑，每條都足料之餘，唔會出現一夾即爛情況。香煎蘿蔔糕表面煎得焦香，有臘腸冬菇，蘿蔔味香而甜。每碟點心送上枱都係熱辣辣，而且進餐不限時，不會催埋單趕客走，抵讚。