影片
港铁尖沙咀/尖东站 B1 出口, 步行约1分钟
继续阅读
开饭介绍
集三家精髓于一身的新派潮州菜，供应地道打冷、精致港式潮菜及南洋小贩档美食。
继续阅读
营业时间
星期一至日
11:00 - 22:00
以上资料只供参考，请与餐厅确认详情
相关文章
回忆一下咁出色嘅潮菜：🐑潮州大鱼翅-上汤超级浓郁，金华火腿味极度香浓。埋献功夫一流，食到尾都冇泻水。细细声讲，好食过隔离新同乐。🐑杏汁白肺汤-幸福满满嘅杏仁味加埋非常凸出嘅鲜甜肉味，水准应该系我喺香港饮过头三位美味嘅白肺汤。🐑虾子柚皮-首先柚皮完全冇苦涩味，质感绵绵，我估应该系用咗越南柚苤。上汤炆煮做得十分入味，即使某些冇沾献汁、甚至冇沾虾子嘅柚皮，本身都已经好好味，铜锣湾西苑嘅柚皮，立即被比下去。用砂锅上，食到尾最后一嚿都仲热辣辣，有片为证。🐑鹅肉并盘-鹅肉、五花腩、豆腐、墨鱼、鸡蛋，一次过满足晒多个愿望。本本身个卤水唔算好浓味，就咁食会偏淡，但点埋醋同辣椒油的话，味道就啱啱好。🐑沙爹牛肉炒河-师傅十分细心，先将河粉慢火焫香，务求令大部分嘅河粉都有㶶边，𪷽少许生抽，增香添色，再加蛋落去快炒，食落啖啖蛋香为炒河提升食味，可以想像得到，个炒河就算未加沙爹牛已经好好味。沙爹酱调配得宜，带微辣，有花生粒，牛肉软滑，淋喺炒河面，虽然分开炒，但味道已经融为一体。🐑反沙芋-惨！糖友天敌，食唔停口。如果有加葱花甚至芫荽的话就更正。不过而家已经做得好好，都系唔好咁多齮龁😆。
继续阅读
最近喜爱的食肆一间接一间的结业，真的很伤心，以后揾食越来越艰难。今天到这里买他们自家制的橄榄菜，服务员说已经没有货了，因为他们是今天最后一日营业😭😭可识今晚已经有约，否则临别秋波一定要来个最后晚餐😮💨
继续阅读
好朋友生日约咗佢去尖沙咀食潮州菜，我哋8:00去到都好多人，好彩我哋一早预约咗，我哋一行三人～食潮州菜价钱一向都唔平，呢一间属于中价，唔算太贵～翡翠榄菜油泡鲜鱿西芹爽口，鲜鱿弹牙，平时唔系太钟意食榄菜，但系原来样样配合都几好食～香麻海蜇爽口呀，正正常常咁啦～杂菌炒牛仔粒菇类好大件，牛仔粒亦都好大件，比例上细返啲会唔会好啲呢 ，哈！牛肉唔韧，不过我嫌佢size太大了～鲍鱼虾籽姜葱捞面鲍鱼大只，厚肉弹牙，有鲍鱼香味，虾籽好多，整体成碟嘢都好浓味～
继续阅读
好耐无写食评，又写下论文先😆.呢间餐馆，其实都嚟过好多次饮茶，而每次来来去去都系果几款点心。好多人都话佢哋价钱贵，其实都系嘅，不过其实以佢地食物质素我又觉得可接受，只可以话唔系性价比高。.👅喜欢佢地嘅「潮州粉粿」，佢比一般中价茶楼系做到比较薄皮，皮嘅口感唔错，接口位都唔觉太厚；馅料新鲜，唔系出面一咪用胡椒粉等香料遮盖味道。.👅「豉汁蒸排骨」，好少肥膏，唔韧得嚟有肉香，垫底嘅南瓜香甜多汁，无话吸晒啲排骨肥肉，可能因为本身啲排骨都好少肥膏，碟入边嘅汁都唔系太肥，当然唔系可以当汤饮😆.👅「叉烧肠」，啲叉烧正正路路啦，个皮都ok，唔厚唔薄，但滑嘅。.👅「鹅片姜葱捞面」老公次次嚟都会嗌，因为份量唔太多唔太，两个人食完仲可以嗌多几款点心。鹅片够香，有咬口，捞粗嘅汁味道适中，姜葱系前切幼丝，不过有时我会嫌佢啲姜太多，我会好似挑骨头咁样跳返晒出嚟😬 (我本身麻麻太重姜味).👅「鸳鸯水晶包」系我最爱，我每次必嗌，但有时点半后先去到无卖晒🥺🥺 个人很喜欢奶黄味，无记错佢入面仲夹咗粒白莲蓉，所以好香，而红豆味都好味，会有淡淡嘅陈皮香。.👅而之前试过佢地个「韭菜粿」，系偏油，不过系好香好食嘅。.👅另外有次冇晒水晶包🥺🥺 唯有试咗佢个「杏汁桂花糕」，桂花味好香，而杏汁比较清，都好，唔会抢咗桂花味。口感适中，唔会太Q弹，又唔会太软身。.🤓仲有想讲讲，佢有一张“特色小食”嘅点心纸，有一次patpat痕见佢有个大约$150蚊嘅「椒盐潮州鱼蛋」，就挑机睇吓点解要咁贵。冇记错的话佢大约得12粒鱼蛋，佢其实真系好好好好食，不过唔会值百几蚊，鱼蛋啫～顶多$80，跟住过咗一两个月，佢居然加到170几蚊👀究竟发生什么事….💁🏻♀️服务方面，以呢个价钱都唔错嘅，系试过可能系散工姨姨服务态度无咁得体，但尚可接受。(后记，难得打咗咁大篇嘢，差啲唔俾出，在此澄清，本人没有接受过任何用餐优惠，纯粹个人喜好)
继续阅读
之前嚟过一次食午饭几好，今次新年包房食晚饭，环境及服务也不错。红烧潮州中鲍翅份量十足、啖啖翅，下面还有火兴住保持温度，加埋醋带起味道，大满足！6头鲍鱼伴柚皮鹅掌鲍鱼弹牙入味、鹅掌嫩滑，伴埋柚皮一齐食，好味道。萝卜灌浆拼炸虾饼炸萝卜很特色，很香浓好味。套餐还有这几道菜，味道也不错，只系太饱。卤水鹅肉鹅肝墨鱼拼盘蒜香玉兰菜脯炒饭火腩春菜煲马蹄片绿豆爽
继续阅读