品甜 (已結業)

早2日去咗🔸Sugar Taste Cafe🔸食素, 餐廳環境都幾舒適, 紅磚加水泥牆唔會冷冰冰, 有好多食評掛滿牆, 有種好warm 嘅感覺。🍽 焗大啡菇配黑松露意大利飯一上枱就聞到陣陣黑松露香味, 大啡菇有手掌咁大隻, 裡面充滿溶咗嘅芝士同黑松露醬, 食落好彈牙。意大利飯軟硬適中, 混合唔同嘅雜菇, 香濃好味。🍽 水牛芝士配蕃茄比薩半溶嘅巴馬臣芝士同水牛芝士舖滿pizza 面層, 又香又吸引。pizza 邊焗得好脆, 濃濃蕃茄醬配合埋蕃茄仔一齊食, 好清新, 唔會油膩。🍽 炸洋蔥圈洋蔥圈炸到金黃色, 好酥脆, 而洋蔥好軟好甜。💭 整體食物都好好食, 環境舒適, 職員服務態度都好好, 值得再去食呀。