影片
以上资料只供参考，请与餐厅确认详情
佢嘅午餐和下午茶都几抵食儍妈间中都会嚟叹个 late lunch 享受我嘅 me time ~~可惜店舖租约期满只系做到呢个月尾咋平时最钟意食嘅。卡邦尼意粉 + 冻咖啡 (下午茶 HK$58 + HK$5)卡邦尼意粉份量都唔少意粉煮至刚好，配上 creamy 酱汁和咸香烟肉，滋味好食 ~~仲有。夏威夷芝士牛肉汉堡配薯条 (午餐 HK$76 + HK$3)丰富嘅牛肉汉堡仲有热烘烘嘅粗身薯条+HK$24 可以追加多个甜品。焦糖炖蛋下午茶。是日蛋糕 + 热咖啡 (HK$45 + HK$3)蛋糕拣咗爱食嘅朱古力楱子蛋糕** 以上分享是以我的口味、体质和情况作出分享及感受，一试 / 合用与否请自行决定
继续阅读
今日返教会前，想食心太软，所以想起这家店～ 其实5x蚊差不多啦～因为甜品铺食甜品都唔平了🤗 今日试左佢个比利时朱古力心太软伴雪糕，同埋一个自家制猪肉丸番茄汁长通，加一杯冻柠檬茶～ 无为意星期六，日要加一，因为我平日去是没有加一，所以埋单152，都有点贵，下次有机会都留意返😅心太软黎讲～朱古力味都几浓，长通粉个汁都唔错呀～几好，冻柠檬系比较淡，当然茶餐厅既柠檬茶会好饮D～ 整体黎讲都几抵食～ 因为食材唔差架👍
继续阅读
今次我在土瓜湾附近揾食🙃完全谂唔到食咩～ 🤔 心目中想食上海粗炒 或者 肉酱意粉加蛋，又想食薄饼😄 突然见到呢间品甜，印象中有睇到OpenRice 评价唔错，咁就行去门口睇下啦～ 见到午餐平均100左右，就心谂都系食平D啦～ 突然睇到餐厅原来8月31日Last Day~ 咁我心谂做唔住既餐厅，会不会系唔好食呢？所以决定走，咁后面又突然黎左对母子～听到话睇下有无下午茶，咁我望下地下，又真系有下午茶餐㖞～只系未换上去个架度，咁我就谂，如果有下午茶餐就入去食啦～见4-50蚊， 问下侍应生，佢话有，我就坐低左叫左个烟三文鱼牛油果酸面包，再加5蚊叫左水果茶～ 咁其实味道唔错，只是面包比较硬（系正常那种，类似法包，只是当下我不想食硬的面包，其实一路食，都见到入左好几枱，我都有睇下其他人食咩，其实卖相都唔错～ 只是感叹可能租金太贵～我后来再加左一个芒果拿破仑朱古力雪糕，其实想悭钱都系无乜可能😂咁样卖单又110啦～ 无加1的😋😋 做埋31号，真可惜
继续阅读
之前嚟品甜食过lunch又食过dinner, 都觉得食物质素同味道几好..环境舒服..价钱合理..服务又几好! 今日tea time想揾间坐得舒服嘅餐厅/cafe食下嘢enjoy下~~经过品甜, 发现呢度原来有2人三层架嘅tea set (包括: 烟三文鱼酸种面包..法式焦糖炖蛋..蛋白拿破仑..cheese cake..蓝莓挞..千岛海鲜三文治, 仲有一壶花茶), 只系$168, 即刻入去试, 好味, 真心觉得几抵食, 值得推介!!
继续阅读
同小友小熊一齐行去马头围工联会想话睇吓D电器，选择唔多，睇唔够一分钟就闪!沿途经过一间叫品店咖啡店，被佢门口手写餐牌上 "沙冰" 两只字吸引，再睇睇 Menu，有我大爱芒果沙冰㖞! 即刻二话不说推门帮衬.一入门已经被写系墙上推介嘅脆烧乳猪吸引，再点咗一份小食并盘，朱古力心太软，小熊点咗杯覆盘子芒果特饮.脆烧乳猪跟餐有个餐汤同面包，一向习惯食西餐有汤同面包先叫完美，品甜不单只做到，份面包仲好松软好好味，唔系D嘉顿出品，可惜份量少咗D，好味嘅总系嫌少.小食并盘有炸薯条炸鸡件同洋葱圈，自从拒绝帮衬又贵又少嘅老麦之后，已经少食薯条，品甜嘅薯条用上粗身薯条，而且够热，虽知道冷冰冰嘅薯条系死罪，难以入口.洋葱圈入口香脆，炸鸡件亦外脆内软又够热，最紧要点沙律酱，即时惹味提升.乳猪一入口，心里面即时弹出三只字! "法兰度"!口感同澳门黑沙湾法兰度嘅乳猪有九成相似! 脆猪皮比法兰度更薄更脆更香口!法兰度系澳门一个远离人烟嘅角落开一间红砖建筑嘅餐厅，品甜内在环境同样用红砖，只不过座落系旧区土瓜湾，感觉浅水困蛟龙，如果开系沙田茵就一流! 心太软内馅朱古力味超浓，甜到入心先系心太软特式嘛.帮衬过几间土瓜湾高质嘅西餐厅，品甜最正! 嚟到唔一定品甜，品咸都系好选择.
继续阅读