地中海休閒餐廳 (已結業)

晚飯時間想搵間可以坐耐少少，而食物質素又ok嘅餐廳真係唔簡容易，今日朋友就帶我嚟到浸大校園內嘅Bistro Bon，餐廳座位舒適寬敞，環境寧靜，絕對係傾計談心嘅好地方。呢度主打地中海菜，我同朋友一人點咗一個set。香軟麵包率先送到！接著是日餐湯，係椰菜芝士忌廉湯，香濃順滑，好岩我口味。(+$68升級)溫泉蛋 炒雜菌 松露忌廉 滑嫩溫泉蛋拌新鮮沙律菜，再加上雜菌與松露嘅菇菌香氣，呢道前菜可謂色香味俱全，值得追加！美國安格斯頂級肉眼9oz $168 肉眼扒比手掌更大，切開塊扒都唔薄架，肉質都幾柔軟，調味方便略為偏重。薯條熱辣辣，炸得夠酥脆。波士頓龍蝦意粉$188 龍蝦香郁撲鼻，肉質富帶彈性，意粉份量驚人， 多到要朋友幫手都食唔曬。