影片
港铁九龙塘站 A1 出口, 步行约12分钟
继续阅读
开饭介绍
餐厅主打地中海及亚洲美馔，选用由海外新鲜进口的食材，融合崭新的烹调方法，演绎多款与别不同的创意佳肴。装潢以地中海为主调，设计开扬舒适，让客人在充满简约休闲的氛围中细味美食。
继续阅读
营业时间
星期一至六
08:00 - 22:00
星期日
12:00 - 22:00
公众假期
12:00 - 22:00
以上资料只供参考，请与餐厅确认详情
食家推介
相关文章
份量好细，真系食唔饱，但价钱好贵唔想再叫，因为未好食到觉得值得呢个价钱。同埋我地叫咗个set dinner，无谂过set dinner系会得咁少咁细份，原本谂住叫威灵顿牛，但冇预先order所以冇，之后谂返好彩冇叫，因为相对出面其他餐厅，佢个价钱真系好贵。服务方面，真系叫天天不应，叫地地不闻。
继续阅读
当你睇到呢篇食评𠮶阵，其实Bistro Bon已经结业喇～我想记录返一次喺Bistro Bon食晚餐嘅经历，但愿迟啲再有机会喺香港食到！（最尾有交代Bistro Bon嘅去向）.Bistro Bon系一间位于九龙塘浸大嘅西餐厅，同浸大入面嘅其他canteen唔同，Bistro Bon显然系一间比较高级嘅餐厅，喺呢度你可以食到各种各样嘅西式食物、具异国风情嘅美味料理，绝对唔会系「颓饭」～虽然系咁，但由于佢嘅下午茶实在系太抵食，基本上三十几蚊就有交易，价钱居然同浸大嘅其他canteen相若，所以浸大人都会视佢为午后之食堂，称之为BB Can (Bistro Bon Canteen).呢晚喺Bistro Bon食咗几样嘢～落完单之后，店员就送上餐包同牛油，一嚿外表好似煎堆咁嘅样嘅包，外脆内软，又甜甜地，好特别呀！另一嚿包望落就好似scone，又脆又香，好吃～.主食方面，我嗌咗个猪下巴意粉，其实人哋全名系叫烟熏伊比利亚猪下巴香蒜辣椒意粉～猪下巴喺出面好少机会食到，觉得佢几特别就叫咗嚟试！意粉嘅份量虽然唔多，但真系好高质！厨师首先慢慢煎香猪下巴，逼晒佢啲油出嚟之后，再放意粉落镬炒，所以每啖意粉都食到猪油嘅甘香！除此之外，炒意粉时落咗香蒜同辣椒，所以入口个味道非常丰富，有油香、有蒜味、又辣辣哋，真系好正呀！意粉比平时食𠮶啲更幼细，我觉得佢更似天使面，质感烟韧，煮得恰到好处！（因为我好怕食𠮶啲煮到过晒火稔到不得了嘅意粉！）.食完个意粉，全晚嘅重头戏终于来了！就系呢个要事先预订嘅威灵顿牛柳！卖相真系好吸引，酥皮金黄，花纹细致～个酥皮食到最后一嚿牛柳𠮶时都仲系酥脆卜卜㗎！.牛柳叫咗medium五成熟，唔会太生又唔会太熟，牛柳中心呈粉红色～牛柳肉质嫩滑多汁，绝对唔嚡口！酥皮同牛柳之间有一层鹅肝酱，鹅肝酱除咗好香嘅鹅肝味，仲有浓郁嘅菇菌黑松露味！个酱仲食到火腿块，十分有诚意～伴碟一啲都唔马虎， 薯蓉好重牛油同奶味，入口好绵滑好smooth！真系估唔到连个薯蓉都咁好食，卖相仲要咁靓！好满足呀！.甜品方面，我叫咗柠檬挞，正正常常啦～个柠檬馅虽然有少少酸，但连埋上层嘅蛋白一齐食就刚刚好！.位于浸大嘅Bistro Bon喺7月15号已经结业，餐厅喺social media透露未来有机会喺尖沙咀再同大家见面～希望之后仲有得试佢其他嘅特色嘢啦！
继续阅读
🍔双层芝士煎蛋手打牛肉汉堡配薯条及沙律菜💰$74😈呢间餐厅都一直成日想黎🤣听人讲佢个dinner有威灵顿牛柳食🤤不过自己整过一次就暂时打消念头所以就试下佢个午餐😜佢系系浸会大学到既呢到系欢迎访客黎食不过位置就有少少距离😢可以泊车系门外既😎佢午餐都叫合理价钱😗Burger就唔算话太岀色面包无烘过所以无咁香同汉堡唔太Juicy不过都可接受但最惊喜我既系个薯条因为佢唔系普通薯条而佢系落左好多粉🤤佢系似5个人入面既CajunFries🤣所以我觉得几好食不过🐻食个个鸡扒肉碎饭就有啲失望似普通Canteen食咁😣希望有机会试佢Dinner
继续阅读
Lunch hour 去呢度食饭～ 环境几舒服 喺浸大嘅餐厅 座位都算几多～香煎原条鲜鱼配蕃茄莎莎酱（$118）首先呢个要等耐啲嘅 都等咗成半个钟 条鱼都几大条 虽然肉就唔多啦 番茄沙沙酱好小 根本唔够点全条鱼 🥲而且冇咩味 唔系好揾到莎莎酱喺边🙃🙃 到条鱼啦 外皮煎唔脆唔香口 一啲都唔滑 仲腥腥地... 而且价钱都偏贵 香辣烤鸡伴卡津风味薯条及沙律菜（$80）香辣粉同five guys 嘅 Cajun 薯条系一样㗎😍所以都几好食 加分～ 而且只鸡好滑 咬落都几Juicy （除咗个骹位比较鞋）同埋分量都几大 一定够饱！
继续阅读
真心唔明点解有咁多好评…又咩隐世美食…隐世就真系好隐世，但美食就真系不敢恭维…可能系我黑仔啦…但系叫左两道菜都中晒伏，其中有道仲要系招牌菜…要预订既威灵顿牛柳…先讲下前菜，前菜叫左烟三文鱼凯萨沙律…份量就好少，三文鱼得两块…至于味道，三文鱼都还可以，但作为沙律灵魂既生菜，系苦既…好明显就系冇洗干净啲农药…都算最令人失望系主菜-威灵顿牛柳…要提早预订又收成六百几…出黎既水准果然符合大学颓饭既水平…成道菜连个酱汁都冰冷无味，牛柳差唔多系well done，又老又散，简直就系煲完汤之后既瘦肉汤渣一样，完全感觉唔到自己食紧牛肉…咁既价钱咁既质素真系0分都俾多…市面上有其他扒房同样系威灵顿牛柳，收紧一半都冇既价钱，但人地出黎嘅水准系呢到既几倍…简直系伏中之伏，搞到我都忍唔住要第一次写食评佢地系open kitchen 既设计，但奇怪既系坐左成晚两个钟，系一啲香味都闻唔到…只怪自己太年轻，错信呢到既正评…如果大家真系想食呢间，请做好食完一肚气既心理准备性价比极低，成餐八百蚊但出黎既野二百蚊可能都唔值
继续阅读