影片
更多
2018-03-17
135 浏览
今日夜晚去接朋友收工，去咗一間離牛頭角地鐵站有少少遠(步行約8分鐘)嘅Cafe，但亦都因為呢個原因，Cafe入邊好闊落冇乜人好舒服。同朋友由8點坐到夜晚10點半，餐廳到播住純音樂，感覺好好。Cafe入面仲有一個小小嘅藝術展覽，加上精心嘅室內設計，絕對可以成為一個打卡嘅景點。 我哋叫咗兩個set dinner，加左一個餐湯同埋一份沙律。主菜分別叫咗青醬煙鴨胸意粉同埋牛油果軟殻蟹堡配薯條。再加上一個茶壺飲品，我哋叫咗蜂蜜伯爵茶檸檬茶壺飲品。最後仲加左甜品有抹茶批配是日雪糕(蜜糖茉莉)同埋藍莓芝士餅配是日雪糕(海鹽焦糖)。set dinner仲送左杯飲品，我哋叫咗熱玫瑰茉莉花茶。當日嘅餐湯係蘑菇忌廉湯配番茄多士。餐湯非常之厚身，仲要好足料見到好多粒粒蘑菇蓉。凱撒沙律醬汁少了一點，如果多番少少就perfect!牛油果軟殻蟹漢堡係呢間Cafe嘅主打食物，漢堡中間嘅夾住原隻鬆脆嘅軟殼蟹，配上清新嘅牛油果醬可以中和炸蟹嘅油膩感。旁邊仲有一些沙律配上黑醋，味道層次更加豐富。厚切薯條都好香脆，用木版上晒成個漢堡餐，影相係超級靚！青醬煙鴨胸意大利粉用咗香草醬配上橄欖油煮， 不錯不錯！我同朋友兩個人shar
我哋叫咗兩個set dinner，加左一個餐湯同埋一份沙律。主菜分別叫咗青醬煙鴨胸意粉同埋牛油果軟殻蟹堡配薯條。再加上一個茶壺飲品，我哋叫咗蜂蜜伯爵茶檸檬茶壺飲品。最後仲加左甜品有抹茶批配是日雪糕(蜜糖茉莉)同埋藍莓芝士餅配是日雪糕(海鹽焦糖)。set dinner仲送左杯飲品，我哋叫咗熱玫瑰茉莉花茶。
當日嘅餐湯係蘑菇忌廉湯配番茄多士。餐湯非常之厚身，仲要好足料見到好多粒粒蘑菇蓉。凱撒沙律醬汁少了一點，如果多番少少就perfect!
牛油果軟殻蟹漢堡係呢間Cafe嘅主打食物，漢堡中間嘅夾住原隻鬆脆嘅軟殼蟹，配上清新嘅牛油果醬可以中和炸蟹嘅油膩感。旁邊仲有一些沙律配上黑醋，味道層次更加豐富。厚切薯條都好香脆，用木版上晒成個漢堡餐，影相係超級靚！
青醬煙鴨胸意大利粉用咗香草醬配上橄欖油煮， 不錯不錯！我同朋友兩個人share兩個餐食，可以試晒兩隻唔同嘅味道！
蜂蜜伯爵茶檸檬茶壺飲品，好飲嘅程度係完全冇諗過！本身點嘅原因係因為朋友鍾意飲伯爵茶，但我就一般般，伯爵茶配上蜂蜜同埋檸檬清新清香。下邊仲有一個蠟燭台可以令茶保持溫暖，而且當茶壺冇乜茶嘅時候，服務員亦都會主動為你添加。
最後係甜品設計得好靚，而且配上嘅雪糕味道亦都係出面十分之少有，絕對係值得一試。 藍莓芝士蛋糕上面嘅藍莓係用紅酒浸過嘅，不過味道有啲酸。抹茶批既抹茶味好出色，所以我覺得甜品係一定要加既！
整體來講同朋友都好鍾意呢一間Cafe，環境、食物定係服務員嘅態度都好好，我哋一定會再返去食！
张贴
