影片
更多
2023-06-01
318 浏览
約咗食素既朋友食飯，特登揀咗間素食素食自助餐，唔算周圍都有，幾有新鮮感☺️☺️以自助餐嚟講，價錢都幾平，最重要嘅係食物質素，同埋環境，服務，都真係對得住個價錢！座位唔迫，光猛整齊坐低咗之後，出去行過圈，見到食物嘅種類係非常多！好開心😄😄炸物選擇真係好多，而且熱辣辣。第一次食炸苦瓜圈，幾有趣☺️☺️非常推薦佢哋嘅蘿蔔糕香煎蘿蔔糕，細細一件件除咗粗條白蘿蔔之外，仲有紅蘿蔔絲，令到蘿蔔糕嘅口感好特別，好好食！呢個西蘭花同椰菜花嘅組合，係有芋頭㗎 ！醬汁有軟綿綿感覺，又有清香芋頭味，菜式設計用心👍🏼👍🏼除此之外，亦非常推薦佢哋嘅咕嚕肉，外脆內軟，又有少少爽口，好特別，遇到啱啱出爐，就更加美味！就連菜心，都好抵讚，菜夠靚，唔老，忍唔住要encore🫶🏼🫶🏼甜品方面，除咗熱嘅香芋西米露之外，仲有幾款糕點。芝麻布甸糕，樣子好似西式蛋糕林明頓，有淡淡的芝麻味，配上椰絲，口感幾得意。另外一款奶黃糯米糍，神奇地真係做到奶黃口味，糯米糍嘅皮軟糯，細細件，都值得一試👍🏼👍🏼整體嚟講，成餐飯食得幾開心，本身都好鍾意食素菜，又有多款新鮮蔬菜嘅組合選擇✨✨餐廳門口有售賣素食糕點、甜品，但係如果食自助餐，一個價錢就可以不停食
素食自助餐，唔算周圍都有，幾有新鮮感☺️☺️
以自助餐嚟講，價錢都幾平，最重要嘅係食物質素，同埋環境，服務，都真係對得住個價錢！
座位唔迫，光猛整齊
坐低咗之後，出去行過圈，見到食物嘅種類係非常多！好開心😄😄
炸物選擇真係好多，而且熱辣辣。第一次食炸苦瓜圈，幾有趣☺️☺️
非常推薦佢哋嘅蘿蔔糕
香煎蘿蔔糕，細細一件件
除咗粗條白蘿蔔之外，仲有紅蘿蔔絲，令到蘿蔔糕嘅口感好特別，好好食！
呢個西蘭花同椰菜花嘅組合，係有芋頭㗎 ！醬汁有軟綿綿感覺，又有清香芋頭味，菜式設計用心👍🏼👍🏼
除此之外，亦非常推薦佢哋嘅咕嚕肉，外脆內軟，又有少少爽口，好特別，遇到啱啱出爐，就更加美味！就連菜心，都好抵讚，菜夠靚，唔老，忍唔住要encore🫶🏼🫶🏼
甜品方面，除咗熱嘅香芋西米露之外，仲有幾款糕點。芝麻布甸糕，樣子好似西式蛋糕林明頓，有淡淡的芝麻味，配上椰絲，口感幾得意。另外一款奶黃糯米糍，神奇地真係做到奶黃口味，糯米糍嘅皮軟糯，細細件，都值得一試👍🏼👍🏼
整體嚟講，成餐飯食得幾開心，本身都好鍾意食素菜，又有多款新鮮蔬菜嘅組合選擇✨✨餐廳門口有售賣素食糕點、甜品，但係如果食自助餐，一個價錢就可以不停食食食，又真係好抵😎😎
张贴
