影片
更多
2024-02-08
59 浏览
今日同朋友去咗西灣河一間韓國餐廳食炸雞，餐廳雖然係一樓，不過門口在大街，好容易搵。上到去發現餐廳都好大間，韓國人店員招呼咗我坐卡位。每一張枱側邊會有一個鐘仔，有需要嘅時候可以撳鐘叫職員。去到當然要試吓佢嘅招牌炸雞，我哋點咗一個有骨自選半半炸雞，原味$93配青辣椒蛋黃醬$118。炸雞超有驚喜，Juicy 唔鞋，雖然係炸，完全唔會油淋淋，乾身香脆。特別喜歡青辣椒蛋黃醬，嗰啲洋蔥明明係生洋蔥，但係一啲都唔會有辛辣嘅感覺，個醬汁同炸雞好配。我自己唔鍾意食甜嘢，呢兩款炸雞都好啱我口味。叫咗炸雞佢會送埋酸蘿蔔，同埋一兜沙律菜。另外叫咗個韓式海鮮湯$198，諗住食完炸嘢食返啲濕濕地嘅唔使太熱氣。個海鮮湯鍋有魷魚，蟹，青口，同埋鮮蝦，樣樣都好新鮮，個湯底好鮮甜嘅海鮮味，唔會太辣。食炸雞當然就要飲下啤酒，見到promote有個$138 Samac Tower，係一支燒酒+兩罐啤酒嘅配搭，個Tower 中間有冰，可以冰住啲啤酒， keep住最好嘅溫度。本來叫完兩樣食物，仲想叫其他嘢食，好在朋友話睇吓嚟到嘅份量先，結果就係…好飽！呢間食物好食份量足，會再來！
上到去發現餐廳都好大間，韓國人店員招呼咗我坐卡位。每一張枱側邊會有一個鐘仔，有需要嘅時候可以撳鐘叫職員。
去到當然要試吓佢嘅招牌炸雞，我哋點咗一個有骨自選半半炸雞，原味$93配青辣椒蛋黃醬$118。
炸雞超有驚喜，Juicy 唔鞋，雖然係炸，完全唔會油淋淋，乾身香脆。
特別喜歡青辣椒蛋黃醬，嗰啲洋蔥明明係生洋蔥，但係一啲都唔會有辛辣嘅感覺，個醬汁同炸雞好配。我自己唔鍾意食甜嘢，呢兩款炸雞都好啱我口味。叫咗炸雞佢會送埋酸蘿蔔，同埋一兜沙律菜。
另外叫咗個韓式海鮮湯$198，諗住食完炸嘢食返啲濕濕地嘅唔使太熱氣。個海鮮湯鍋有魷魚，蟹，青口，同埋鮮蝦，樣樣都好新鮮，個湯底好鮮甜嘅海鮮味，唔會太辣。
食炸雞當然就要飲下啤酒，見到promote有個$138 Samac Tower，係一支燒酒+兩罐啤酒嘅配搭，個Tower 中間有冰，可以冰住啲啤酒， keep住最好嘅溫度。
本來叫完兩樣食物，仲想叫其他嘢食，好在朋友話睇吓嚟到嘅份量先，結果就係…好飽！
呢間食物好食份量足，會再來！
张贴
