Coti the Bistro (企業廣場)

营业中

休息中

舒服😌環境cafe同fd提前慶祝生日，由於佢收工時間都比較夜，同埋約左係佢工作既地方附近同佢食餐飯。餐廳佈置係簡單cafe風格，話明Bistro，質素係有咁上下，滿足到小奢華既要求。叫左2個餐，同甜品。餐湯羅宋湯味道濃郁，勁多蔬菜，足料，酸尾尾好開胃。鰻魚飯配時令菜兩大舊鰻魚，厚肉，鰻魚配飯係絕配，醬油吾會一味咸，仲好有鮮味帶出。仲有炒蛋條配下。慢煮烤雞配霹靂葡汁雜錦沙津有質素，因為慢煮，所以個雞胸位都吾會鞋，加上佢個醬汁有少少似泰式醬咁，酸酸地，開胃。伯爵茶夠晒濃，消濟👍🏼熱ＭＯＣＨＡ呢杯好飲，沖埋個心型😋烤棉花糖朱古力加埋呢個sweet既甜品好滿足。