Saravanaa Bhavan (已搬遷) 新店位置

吾係朋友食過介紹，真係唔知原來呢條街有間樓上印度餐廳。呢度環境光猛，有港式茶餐廳feel, 仲有露天地方既枱，幾有特色。我同個fd都少食印度菜，又無咩研究，好采menu有中文同圖文並茂，不過選擇頗多，最後隨便叫左幾樣。先黎既係小食。個外皮脆脆地，加埋d酸酸地汁同裡面既餡，好開胃。炸洋蔥有別於係西餐廳食既，個皮只係微脆，似洋蔥包多d，但又估唔到同入面舊洋蔥咁夾，必叫。蘑菇炒飯應該係fusion菜，炒得夠乾又夠香，唔錯。鐵板上，熱辣辣，無留意影到咁大煙tim。開頭以為係肉黎，但再諗下呢度係素食餐廳，又點會有肉呢，食真d原來係豆乾。調味惹味，微辣，豆乾唔乾仲有少少“肉汁”。最後飲埋呢杯印度特飲作結，唔太甜，又有d益力多味，好飲。