蝦棧 (已搬遷) 新店位置

今日行過太子酒吧街，見到呢間台式小店，見到裝份得幾雅緻，門口放了大魚缸裏面有好多新鮮既大蝦，被吸引到走了入去。店子不算大，但坐得幾舒服。小店鎮店之寶是蝦煲，哈寶有多款選擇，胡椒蝦，奶油蝦，買有蝦，三杯蝦，椒鹽蝦，淨係蝦都有成十幾款選擇，最後我選擇左奶油蝦＄188，店員在魚缸取新鮮的大蝦到廚房烹調，一上枱，已經香噴噴，蝦肉爽脆彈牙，仲有濃濃嘅奶油味，果然係招牌菜。黑麻油雞＄168黑麻油雞報有香濃嘅麻油味，雞肉非常之嫩滑， 熱辣辣，好正。小丁香油麥菜＄78油麥菜非常清甜，加上魚乾一起煮，好惹味。黑白卷＄98有黑色同白色兩款，黑色係墨魚，咁白色都係墨魚，其實我唔明白點解墨魚有黑白兩色，但無論如何兩種都非常好味，個皮好脆好薄，一試難忘。滷水雛鴿兩隻＄138乳鴿最好味，店員說是用滷水淹製，加入多款香料，人然後再炸，上碟時已很入味，不用再加淮鹽，鄒鴿肉質好滑，好味到連骨都想食埋。滷肉飯＄58滷肉飯沒有一般台式小店整得咁油膩，滷肉炒得比較乾身好入味。菠蘿雪葩＄68菠蘿雪葩用用原隻菠蘿上碟，賣相吸引，雪葩有淡淡的菠蘿香味，如果夏天食應該會更正。