La Casa Bistro (已結業)

與同事一行三人 中午12:00 試新餐廳地點不錯，室內唔算大，有一張可坐6人既檯，一張4人檯， 一張2檯同兩張靠窗既3人小圓檯。所以人多就要早d 到，因為大概12:30就全場full 晒。坐低後就睇lunch set menu. 最後我揀左個雜菌煙肉忌廉意粉，同配是日餐湯既蕃茄湯 (或可選沙律）。 湯先到，賣相非常精美，而且味道係非常好，因為湯入面係有蕃茄蓉。唔同平時一般餐廳只用茄膏煮。意粉都隨後送到，其實上檯個刻會覺得麻麻，同平時d 意粉唔同既，因為d 汁冇掛上每一條麵上面。但我既想法係錯左，當我充分撈好個麵後，麵條係有菇同煙肉味，而且麵既口感好好。應該手造既關係。所以成碟連汁都清晒。飲品就正常，但凍飲就無需加錢！環境舒服，食物有特色。