瀛舍 (已結業)

舍服務一入到去門口個姐姐好似瞓唔醒咁，坐底左想問下野，但可能人多，部長姐姐都冇耐性答我，其他都中規中矩，冇咩特別。食物刺身類食物新鮮，質數唔錯，係好味道既。壽司類質數好好，尤其係和牛火焰壽司非常出色。炸物類，非常麻麻，炸雞軟骨似乎係中午炸起夜晚先拎出黎咁，又油又淋，口感可怕。大部份都係厚粉冇味食物，例如炸薯餅，炸洋蔥圈等等都強差人意。燒物類一般，質數平平。天婦羅唔錯，天婦羅蝦同蟹柳都好味道，口感非常好，新鮮炸起，炸粉厚薄just right。清酒煮蜆，非常凍，冇酒味，冇蜆味，怪味。金菇肥牛卷，有酸味，即吐唔敢食。蒸蛋，口感要用硬黎形容，唔滑都算，D蛋係實既，非常失望。飲品方面，罐裝汽水種類ok, 但麥茶長期冇人添加，清酒味如清水，冇得頂。總括而言，呢間餐廳仍然有好大進步空間，希望會有所改善。