影片
更多
2018-11-07
729 浏览
Happy Friday! 10月真係好難捱嘅一個月，出左糧唯有放縱下自己，今日黎到呢間一直好想試嘅燒肉專門店，平時返工經過，一個靚牛lunch set都接近$400，係一間高級食店。撩左同事好耐，佢終於落搭同我一齊洗錢食靚牛!!睇menu見佢做緊山形牛肉，名我未聽過，只聽過經常俾人掛喺咀邊既飛驒牛肉。menu嘅介紹山形牛應該都唔錯，唯有親口試下正唔正! 同朋友點左山形和牛西冷、牛舌、特選上牛排肉同特選牛排肉，點完都覺得自己傻左!食肉前食下沙律開胃先，沙律醋物有生菜、青瓜、卷心菜，全部爽口野，加上適量醋去調味，酸酸甜甜幾開胃!和牛砌得靚靚上枱了!!! 見到佢嘅真面目真係愈黎愈期待，非常均勻而且靚靚雪花紋，靚牛真係靚牛，個樣特別靚d!!先燒下牛舌開開爐~ 牛舌唔太厚，燒一陣就食得。雖然唔係厚切，但食落好有口感夠咬口，而且牛味頗濃。特選牛排肉真係perfect! 夾起放上網嘅時候已feel到肉嘅嫩同鬆軟，放上網之後可能燈光問題，成塊變左拖羅咁! 都忍唔住即刻點左兩碗飯，油脂夠，肉質靚，好快就燒好。 入口即溶…竟然係入口即溶!!!只能說~痴線牛肉!飯嚟得好及時，餐廳用呢隻米叫雪若丸，比起一般
睇menu見佢做緊山形牛肉，名我未聽過，只聽過經常俾人掛喺咀邊既飛驒牛肉。menu嘅介紹山形牛應該都唔錯，唯有親口試下正唔正! 同朋友點左山形和牛西冷、牛舌、特選上牛排肉同特選牛排肉，點完都覺得自己傻左!
食肉前食下沙律開胃先，沙律醋物有生菜、青瓜、卷心菜，全部爽口野，加上適量醋去調味，酸酸甜甜幾開胃!
和牛砌得靚靚上枱了!!! 見到佢嘅真面目真係愈黎愈期待，非常均勻而且靚靚雪花紋，靚牛真係靚牛，個樣特別靚d!!
先燒下牛舌開開爐~ 牛舌唔太厚，燒一陣就食得。雖然唔係厚切，但食落好有口感夠咬口，而且牛味頗濃。
特選牛排肉真係perfect! 夾起放上網嘅時候已feel到肉嘅嫩同鬆軟，放上網之後可能燈光問題，成塊變左拖羅咁! 都忍唔住即刻點左兩碗飯，油脂夠，肉質靚，好快就燒好。 入口即溶…竟然係入口即溶!!!只能說~痴線牛肉!
飯嚟得好及時，餐廳用呢隻米叫雪若丸，比起一般日本米再粘身d，用嚟配燒肉一流! 因為飯夠粘身，d油脂點流出嚟d飯都會接住。滿滿嘅油脂同飯入口，超正!
上牛排肉更過份，如果特選牛排肉係中拖，呢一款會係大拖，油脂更香，入口更滑。
食到最後，西冷變得無咁驚喜，可能油脂唔夠牛排肉多，而且肉質比較有咬口，所以入口即溶嘅感覺無咁強烈，但肉味相對比牛排肉好，始終肉嘅比例較高。
张贴
