影片
更多
2005-01-19
19 浏览
昨晚小肥竟然早放工,諗緊公司附近有乜未試過,記起雜誌介紹呢度,話唔貴又好味,就即刻訂枱. 上到去,係無乜裝修不過算乾淨光猛,樓底矮矮又幾好feel,好似舊式酒樓,樓面一眼睇晒,喺入口處有貴賓房1(咁係咪有2,不過唔多覺!!)坐到最入貼住玻璃門無遮無掩,見牆上有一龍虎榜(都幾得意),列明上星期最受歡迎及今星期最新菜式,一心諗定要試試用長洲蝦膏整嗰款"啫 啫 蝦醬生菜煲"$42,"香芒子薑咕嚕肉"$58,"粵式大千蝦球"$75,再加個"竹筒糯米飯"位上$28同埋"金華火腿翅裙燉螺頭"位上$33.講真咁多樣嘢,最最最好味就係個生菜煲,唔講得笑,真係越簡單越見真章,蝦膏爆蝦米再加生菜胆,味道一D都唔鹹,好香好惹味,簡直送到幾碗飯,生菜嗦嗦聲,夠晒滋味,唔怪得係龍虎榜第二位.次選係大千蝦球,其實本來唔想叫呢個,覺得好"行",但食落又幾有Heart,個汁原來用辣椒油爆蒜頭芹菜(有中西芹)再加花奶煮,滑得嚟又香又帶微辣(不算油膩,如果唔係feel到辣辣地都唔特別覺有紅油),越食越想食,蝦球大隻兼爽口,一個字"掂".個咕嚕肉汁唔錯,酸甜有致,肉有肉味,炸粉不太厚仍脆身,子薑略嫌切厚身咗,不過又的確好
上到去,係無乜裝修不過算乾淨光猛,樓底矮矮又幾好feel,好似舊式酒樓,樓面一眼睇晒,喺入口處有貴賓房1(咁係咪有2,不過唔多覺!!)坐到最入貼住玻璃門無遮無掩,見牆上有一龍虎榜(都幾得意),列明上星期最受歡迎及今星期最新菜式,一心諗定要試試用長洲蝦膏整嗰款"啫 啫 蝦醬生菜煲"$42,"香芒子薑咕嚕肉"$58,"粵式大千蝦球"$75,再加個"竹筒糯米飯"位上$28同埋"金華火腿翅裙燉螺頭"位上$33.講真咁多樣嘢,最最最好味就係個生菜煲,唔講得笑,真係越簡單越見真章,蝦膏爆蝦米再加生菜胆,味道一D都唔鹹,好香好惹味,簡直送到幾碗飯,生菜嗦嗦聲,夠晒滋味,唔怪得係龍虎榜第二位.次選係大千蝦球,其實本來唔想叫呢個,覺得好"行",但食落又幾有Heart,個汁原來用辣椒油爆蒜頭芹菜(有中西芹)再加花奶煮,滑得嚟又香又帶微辣(不算油膩,如果唔係feel到辣辣地都唔特別覺有紅油),越食越想食,蝦球大隻兼爽口,一個字"掂".個咕嚕肉汁唔錯,酸甜有致,肉有肉味,炸粉不太厚仍脆身,子薑略嫌切厚身咗,不過又的確好味,芒果份量少,整體來說好味但不算突出;糯米飯OK都算好食,個湯應該係臨時湊料來加熱,只算一般,埋單$250(連茶錢$7/位),以中環來說確實幾抵食,唔駛諗親食中菜都要搵"鏞記",又多一個好選擇.
下次真係要試試葡汁焗響螺同埋龍虎榜第一位的金沙雞仲有老火例湯(竟然6:45pm去到己經買晒,厲害!!!)
张贴