合興粉麵家 (已結業)

起官塘未重建之前，依間鋪係開起裕民坊嘅巴士站附近，一到中午就會有唔少人幫襯，果陣一碗麵只係賣$22左右。但係因為重建嘅關係，佢被逼要搬走。一開始仲以為佢地唔會再開/唔會開起官塘，原來佢搬咗去官塘街市，圖書館對面嘅鋪位。一入到去就只到大部分客人都係中年人士嚟，比係以前冇咁多客。我同朋友叫咗牛腩河同雲吞河。雲吞河($34)雲吞主要係豬肉餡，有一兩隻細細隻嘅蝦，味道偏咸。湯底唔係清湯而係加咗腩汁，想食清湯底嘅人可以同店員講聲，佢就會幫你轉。牛腩河($34)牛腩未去到好淋，不過同其他鋪頭比已經算淋，可能因為我地11點左右就嚟，午市嚟d牛腩應該會再炆得淋d。牛腩嘅份量算多，菜亦都新鮮。食得辣嘅人記得落佢自家製嘅辣油，食落會香好多。不過記得唔好落太多，因為真係好辣嫁。