影片
更多
2008-05-22
18 浏览
其實我想拿這個做我第 100 篇食評的, 是我自己大懵, 用它來開始第二個 100 篇也好啊, 請大家繼續支持。除夕夜, 跟兩老去醫院探婆婆, 幸而婆婆情況穩定, 大家暫時放下心頭大石。我提議來這兒吃晚飯: 大時大節, 一係唔食, 一食就食大佢嘛, 於是屈了兩老去附近的太平館餐廳。幸運地我們就咁 walk in 入去, 得到最後一張對著門口的 4 人枱, 之後的人就要等餐懵了, 呵呵。是日雖然未到元旦, 但已有元旦二人套餐, 懶得揀來揀去就要了這個:鮮果咯嗲 – 即係糖水浸雜果加隻蝦, OK海皇湯 – 老爸嫌附上的餐包不夠熱, 我覺得唔係呀, 見阿叔口係店面的保溫爐拿出來的啊; 至於海皇湯就幾多料, 當然不要期望有新鮮貨; 但竟都有點海水味 (其實有點似法式龍蝦湯的味道 – 是我亂蓋的), 不錯呀。紫蘇汁扒大蝦 或 蕃茄香草汁扒石斑 (選 2 份) – 每樣要了一個, 其實我覺得兩種東西的味道都是差不多的啊。太平館燒乳鴒 或 太平館瑞士雞翼 – 要了前者, 原因是兩老不吃雞翼; 鴿子據說是用新鮮貨, 炸好再加上特製醬油汁, 加上檸檬汁伴吃。鴿子肉不算很多, 但總算嫩滑而入味。太平館干炒
除夕夜, 跟兩老去醫院探婆婆, 幸而婆婆情況穩定, 大家暫時放下心頭大石。我提議來這兒吃晚飯: 大時大節, 一係唔食, 一食就食大佢嘛, 於是屈了兩老去附近的太平館餐廳。幸運地我們就咁 walk in 入去, 得到最後一張對著門口的 4 人枱, 之後的人就要等餐懵了, 呵呵。是日雖然未到元旦, 但已有元旦二人套餐, 懶得揀來揀去就要了這個:
鮮果咯嗲 – 即係糖水浸雜果加隻蝦, OK
海皇湯 – 老爸嫌附上的餐包不夠熱, 我覺得唔係呀, 見阿叔口係店面的保溫爐拿出來的啊; 至於海皇湯就幾多料, 當然不要期望有新鮮貨; 但竟都有點海水味 (其實有點似法式龍蝦湯的味道 – 是我亂蓋的), 不錯呀。
紫蘇汁扒大蝦 或 蕃茄香草汁扒石斑 (選 2 份) – 每樣要了一個, 其實我覺得兩種東西的味道都是差不多的啊。
太平館燒乳鴒 或 太平館瑞士雞翼 – 要了前者, 原因是兩老不吃雞翼; 鴿子據說是用新鮮貨, 炸好再加上特製醬油汁, 加上檸檬汁伴吃。鴿子肉不算很多, 但總算嫩滑而入味。
太平館干炒牛河 或 太平館瑞士汁炒牛河 – 要了後者。我不吃牛, 所以只吃了河粉。又據說是干炒牛河較出名的, 也不打緊啦反正我只想試下瑞士汁的味道而已。唔, 我其實係唔多鍾意食炒河的, 因為太油, 而瑞士汁就有點太甜 --> 其實瑞士汁應該是甜的, 乃源於一個美麗的誤會, 是舊時太平館侍者以客人讚這個汁 sweet 當作是瑞士的 swiss 之誤, 沿用至今。
甜品 – 是一件懷舊到極的奶油蛋糕, 奶油是舊式的那種 butter cream, 現時已很少見了, 而且賣相不賴, 有朵奶油花, 我幾鍾意的; 可是蛋糕太乾, 唔係好得啦, 可能我唔識欣賞啦。
咖啡或茶 – 我喝咖啡, 還可以啦。
我本來想點燕窩雞蓉湯來試試的, 點知老爸大潑冷水, 說唔抵喎算了吧。三人食一個二人餐都夠喎。
來得太平館, 係食環境和老舊英式情懷多過食食物, 桃木牆、牆上的鴿子裝飾、泛黃的燈、串串貢的侍應叔叔…所以除了一眾長輩來懷舊一番之外, 還有為數不少的後生和慕名而來的遊客。
年紀大了, 已不會走去倒數同人逼, 於是又照過往幾年的傳統, 一家人去維園行工展會了。
张贴
