Fifty Fifty (已結業)

講到去長沙灣、深水埗覓食，大多諗起地道小食，腸粉，豬油渣麵，唐餅等等，好少諗起食西餐。東沙島街呢間Fifty Fifty 用黑底白字做招牌，黑色窗框配紅磚，門面工業風裝潢，但入到去又係另一種感覺，柔和黃燈加上木枱木櫈，感覺又幾溫馨舒適。我同友人夜晚都唔係澱粉質，為咗增加飽肚感，除咗兩個主菜之外，我哋仲叫多個拼盤 (二人份量 $68) 拼盤以炸物為主，炸蠔，炸蝦，炸魷魚圈，仲有單骨雞翼。我最欣賞嘅係單骨雞翼，比蜜糖包圍住，甜甜地，幾開胃，又方便食。主菜叫咗個燒豬鞍架，呢個豬鞍賣相幾靚，而且都幾大份，配上燒薯仔，都好夠飽肚。豬扒厚度適中，有咬口之餘肉質唔會過實。另一個主菜我哋叫咗煎鱈魚柳，魚皮煎得香脆，但魚肉保持嫰滑，魚柳底下配上有濃厚牛油味嘅薯蓉，食落軟滑，再加埋個忌廉汁，配合得非常之好！