No.9 (已結業)

小店位處土瓜灣舊區，喺燒味鋪則邊，鋪面細細但坐位都ok闊落，全店都係bar檯同高櫈。難得既係門口有2個吸煙位，就算煙癮起都唔洗企出街口垃圾桶咁肉酸裝修都幾別緻薄荷青檸梳打-清新少甜，好健康飛驒牛堡 — 黎到切開，塊漢堡差不多全生，只係底面剛剛熟，裡面係生既。友人頂唔順唯有叫店員幫手整返熟。四眼妹妹好好人，2話不說幫我地整過。雖然熟哂之後塊漢堡扁左又乾硬左，但牛味濃郁，我諗如果係半熟既會好好味粗薯條，真正外脆內軟芝蛋豬柳煙肉堡—卡路里爆燈，好邪惡又好美味～羊柳堡—個包冇問題，蔬菜冇問題，薯條冇問題，醬汁都冇問題，咁問題喺邊呢！？係塊羊柳，正確黎講係3塊碎羊肉合拼而成嗰塊'扒'。由於係合拼而成，所以一切成個漢堡就倒塌，肉亦都老哂，其中一舊仲有d騷，3舊肉3種口感味覺，好奇異啊…總括黎講，係抵食既，雖然羊柳堡有d失手，但整體用料價錢味道都值回票價，再加上舊區難得既靚裝修，非常值得一試。難聽d講，坐得舒服招呼周到食物ok仲要埋單差d平過食翠華，仲可以有咩可以要求呢～