夢の丼 (已結業)

位於土瓜灣，竟然有呢一間咁高質嘅隱世日本餐廳。夢之丼來自餐廳嘅招牌，配料滿滿包括三文魚蓉、三文魚子、帆立貝、牡丹蝦、海膽、松葉蟹、右口魚邊。食落滿腔鮮甜，魚油豐腴！當中嘅海膽更加係相當甘飴，小店來講食到呢一個質素真係意想唔到，小編特別欣賞佢嘅米飯，醋味足夠，而且溫度適中！花錦魚生丼滿滿的一碗飯：三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐、青瓜、甜蛋、玉子潰、松葉蟹、蜆肉。最特別莫過於可以把玉子潰篤破，攪拌起來，黏黏又帶點甜甜的。刺身牡丹蝦、深海池魚、油甘魚腩。刺身唔算特別厚切，但鮮味無窮，池魚的嘅油脂特別豐潤，牡丹蝦厚實鮮甜，蝦頭更加可以留住，俾廚房去香炸($10)。蟹皇醬燒蟹膏豆腐呢個小食相當出色，一啖一口，豆腐好滑配上燒過嘅蟹膏，濃郁得來又好甘甜！右口魚邊壽司最後更加叫一碟壽司，火炙後逼出油分，魚油豐盛，加上木魚碎，入口盡是滋味。餐單如下可以參考