夢の丼 (已結業)

收工專登搵間睇落幾靚嘅日本菜，慰勞返左一個星期工嘅自己。一入到去，環境比我想像中舒服。好鐘意門口位個設計，樓底高，無壓迫感，餐廳用色又舒服。餐廳有dinner set，但畢竟佢個名叫夢の丼，緊係要食丼飯。🍽花錦魚生丼第一樣最吸引我係隻蛋黃！睇返原來叫玉子漬，撈埋一齊，令整個丼變得好rich。咁多款材料中，有樣叫「蟹膏豆腐」最特別，第一次食，有豆腐滑溜質感，但帶濃蟹膏味，唔錯啵！🍽夢之丼唔少得同店名同名嘅夢之丼。店員拎左杯橙醋，推薦我哋先飲一小口，再加入丼中。橙醋並非平日呷嘅醋，唔會好刺激，橙香好自然，一口乾都無問題，如果加入醋飯中就會令飯帶橙香，都唔錯。魚生中，最鐘意左口魚，油脂感豐富，有幸福感！🍽左口魚邊壽司個左口魚咁正，點少得壽司，一啖食滿足到爆🍽深海池魚刺身🍽矢柄店員會拎住個黑板，上面寫滿今日嘅飛機貨。深海池魚厚切，雖然係白身魚，但魚味仍舊好濃，值得一試。第一次食矢柄，口感爽彈，魚味唔算太濃。深海池魚個魚味太出色，令呢款白身魚被比下去。🍽燒帆立貝用紫菜包住璣燒過嘅帆立貝，鮮甜。🍽柔煮鮑魚以為係濃味個種汁煮鮑魚，食落先知係頗淡，要點埋肝醬先比較夠味，相對下，呢碟就比較普通。店員姨姨