影片
更多
2018-01-10
28 浏览
今日同阿媽落紅磡掃日用品，經過必嘉街見到拉麵店號稱「九洲第一拉麵」金田家，見門面簇新而且坐滿客人，拉麵款式又多，阿媽又話好耐冇食過拉麵，就決定一試。又真係攞幾多獎喎～拉麵選擇都幾多，總共有9款，然後就揀麵嘅硬度同蔥嘅份量。再下面就揀追加食材、小食同埋飲料，一目了然，連阿媽都話easy。想知道拉麵會有咩配料可以參考返餐牌。原來英國都有分店，厲害。【可爾必思$20】酸酸甜甜幾好味，又開胃，不過稍為細杯咗少少。【伊藤園綠茶$15】阿媽就叫咗支綠茶，佢話食拉麵同豚肉都較多油同脂肪，飲綠茶解吓脂，減低膩感都不錯。【大將餃子$30】煎得好香而且熱辣辣，個底煎得香脆可口，雖然係煎出嚟但食落唔油膩。雖然唔算大粒，不過皮薄饀多。【唐揚雞塊$35】小食嚟講份量都算多，大約有5-7件雞塊。每塊都有半隻手板咁大隻，都幾抵食。啲雞塊係即炸，出到嚟係出緊煙，要攤陣先食得。而且亦冇炸到乾晒，咬落去仲係juicy。可以唧檸檬汁或者點沙律醬，我就鍾意檸檬汁，酸酸地幾醒神。【黑松露拉麵$108】拉麵都算大碗，用料多樣，份量都好足，鋪滿晒成個碗面，連啲拉麵都見唔到。豚骨湯本身夠入味，黑松露唔算多但食得出味道濃郁，同個豚骨湯
又真係攞幾多獎喎～
拉麵選擇都幾多，總共有9款，然後就揀麵嘅硬度同蔥嘅份量。再下面就揀追加食材、小食同埋飲料，一目了然，連阿媽都話easy。想知道拉麵會有咩配料可以參考返餐牌。
原來英國都有分店，厲害。
【可爾必思$20】酸酸甜甜幾好味，又開胃，不過稍為細杯咗少少。
【伊藤園綠茶$15】阿媽就叫咗支綠茶，佢話食拉麵同豚肉都較多油同脂肪，飲綠茶解吓脂，減低膩感都不錯。
【大將餃子$30】煎得好香而且熱辣辣，個底煎得香脆可口，雖然係煎出嚟但食落唔油膩。
雖然唔算大粒，不過皮薄饀多。
【唐揚雞塊$35】小食嚟講份量都算多，大約有5-7件雞塊。每塊都有半隻手板咁大隻，都幾抵食。
啲雞塊係即炸，出到嚟係出緊煙，要攤陣先食得。而且亦冇炸到乾晒，咬落去仲係juicy。
可以唧檸檬汁或者點沙律醬，我就鍾意檸檬汁，酸酸地幾醒神。
【黑松露拉麵$108】拉麵都算大碗，用料多樣，份量都好足，鋪滿晒成個碗面，連啲拉麵都見唔到。
豚骨湯本身夠入味，黑松露唔算多但食得出味道濃郁，同個豚骨湯都幾夾。黑豚叉燒都幾大塊，肉味豐富，而且質感一啲都唔「鞋」。香蔥就落咗一大堆，食落更多一份香味，仲有啲爽口木耳，正。
阿媽鍾意雞湯所以叫咗【雞白湯豚骨拉麵(曲麵)$85】。湯底係豚骨湯同雞湯混合，我試咗幾啖，味道平衡，飲得出係有雞湯味。
除咗香蔥仲有同雞湯好夾嘅京蔥，香味加倍～
肉係腩肉叉燒，講明係腩肉所以每塊接近有一半係肥肉，好邪惡，但食落勁嫩滑，又有油香又有肉香，爽。
呢款拉麵嘅麵底較特別，係曲麵嚟，曲麵好處係掛湯能力高，仲掛埋啲蔥一齊食。
【溏心蛋(一隻)$14】係追加嘅，生熟程度啱啱好，少少蛋汁食落蛋香濃郁。
雖然已經食到幾飽，但見啲肉咁正都想再下一城，追加咗
(左)【黑豚叉燒(3片)$33】
(右)【腩肉叉燒(4片)$20】
其實追加最好一早加定，因為啲追加肉上枱係凍嘅，趁個湯熱浸落去先好食。
食完斟返杯檸檬水飲，解解油膩清清口氣。阿媽話好食又好飽，下次嚟開紅磡要再食喎，一於奉陪。
张贴
