燒烤堂 (已搬遷) 新店位置

👍🏻 蒜蓉燒蟶子蟶子上佈滿了蔥、蒜同粉絲 絕對係海鮮既最好朋友💁🏻‍♀️更能突顯蟶子鮮甜 肉質爽口 非常新鮮 燒嘅香味好正 所以一上枱大家就即刻伸手 擺返落自己碟慢慢歎！👻👍🏻 羊架羊架肥瘦比例岩岩好 一啖食到香騷既羊肉及融於口中既肥膏簡直 非常腍滑🙌🏻👍🏻 鹹蛋黃墨魚餅非常特別嘅一道菜😽鹹蛋黃醬絕對係真材實料 有鹹香 墨魚餅都幾大塊 食得出鮮味之餘 仲要有爽口墨魚粒😍口感提升 邪惡好味之選 值得一試！👍🏻 孜然燒蒜蓉茄子燒茄子🍆已經係食燒烤一定會點嘅食物 加埋最愛既蒜蓉同孜然調味 真係唔食唔得😂想特別一提 茄子洗得好乾淨同燒得好靚 連皮都食埋😉 👍🏻 蜜糖燒雞中翼 🍯好特別嘅調味 同平時食嘅蜜糖雞翼有少少分別前調係鹹味 然後蜜糖既清甜先慢慢湧出黎 抵食👍🏻 黑毛豬五花豬五花燒得好香 而且肥瘦分佈平均 唔會過肥 外面燒到脆身 入面油脂感爆發 食落口充滿香味🥰注意事項⚠️- 餐廳環境不錯 最適合同朋友歡聚 飲酒聊天🍺- Sapporo生啤而家買一送一 有關優惠請向餐廳查詢🤓