影片
更多
2017-08-02
30 浏览
今次去到銅鑼灣嘅「心之食堂」，見到佢個Facebook專頁周不時都有推廣食物優惠，所以今次去試吓晚餐先。見到門口嘅招牌好特別，比較卡通化，而且牆壁上有我最鍾意嘅櫻花圖案，一望到已經好開心。入到餐廳除咗有吧枱座位之外，都有二人以上嘅座位可以供選擇。餐牌好特別，可以比客人自己用水筆去填寫想order嘅食物，既特別又環保。除此之外，黑板上面都寫住食堂每日嘅食物推介，食物比較多選擇。店員都好貼心，我哋一坐低就比兩杯水我哋，之後當然唔少得叫餐廳嘅「食物推介」。首先就係「刺身串串串嘅三文魚」，我第一次食三文魚刺身係以咁嘅形式上菜，好特別！每客有兩件三文魚，仲有啲青瓜，一齊食落口好有口感，而且三文魚非常厚同新鮮，再點小小Wasabi同埋豉油，幾好食。「日本馬糞海膽」賣相好吸引，呈現橙黃色，雖然份量比較少，但係都配以紫菜，仲有爽口嘅青瓜，將啲海膽夾埋紫菜食，好鮮甜，我至愛。「炸物蟹肉忌廉餅」，一大塊切成兩小塊，見到蟹肉忌廉餅入面有滿滿嘅的奶白色配料，食落去好creamy，加上外脆內軟嘅口感，冇得頂。燒物「心之火焰鐵板牛柳粒」兩串係餐廳嘅招牌之一，牛柳粒嘅做法都好特別，用鐵板上，兩串牛柳粒棟起咗，再加埋
見到門口嘅招牌好特別，比較卡通化，而且牆壁上有我最鍾意嘅櫻花圖案，一望到已經好開心。
入到餐廳除咗有吧枱座位之外，都有二人以上嘅座位可以供選擇。餐牌好特別，可以比客人自己用水筆去填寫想order嘅食物，既特別又環保。除此之外，黑板上面都寫住食堂每日嘅食物推介，食物比較多選擇。
店員都好貼心，我哋一坐低就比兩杯水我哋，之後當然唔少得叫餐廳嘅「食物推介」。
首先就係「刺身串串串嘅三文魚」，我第一次食三文魚刺身係以咁嘅形式上菜，好特別！每客有兩件三文魚，仲有啲青瓜，一齊食落口好有口感，而且三文魚非常厚同新鮮，再點小小Wasabi同埋豉油，幾好食。
「日本馬糞海膽」賣相好吸引，呈現橙黃色，雖然份量比較少，但係都配以紫菜，仲有爽口嘅青瓜，將啲海膽夾埋紫菜食，好鮮甜，我至愛。
「炸物蟹肉忌廉餅」，一大塊切成兩小塊，見到蟹肉忌廉餅入面有滿滿嘅的奶白色配料，食落去好creamy，加上外脆內軟嘅口感，冇得頂。
燒物「心之火焰鐵板牛柳粒」兩串係餐廳嘅招牌之一，牛柳粒嘅做法都好特別，用鐵板上，兩串牛柳粒棟起咗，再加埋職員將牛柳粒點火，賣相更吸引，影相一流！亦都估唔到食落去牛柳粒好鬆軟，而且有好鮮味嘅牛肉味道，仲有「三色椒」、「底下係菠蘿片」同埋炸到香噴噴嘅「薯角」，必食。之後再叫咗兩個「卷物」，分別係「李小龍卷」同埋「脆吞拿魚腩卷」，賣相非常吸引，壽司放喺比較日式Feel嘅木上面，影相更加靚！
「李小龍卷」配以蟹籽粒同埋炸蝦一齊食，口感好正，唔需要點豉油都好夠味。
另外我至鍾意嘅「脆拿魚腩卷」，有吞拿魚腩蓉同埋一粒粒嘅蟹籽係壽司上面，壽司入面係脆粒，食起上嚟都好有好感，味道好新鮮，好味道！
最後食咗個「吉列牛柳粒飯」，賣相好特別！佢啲白飯砌成心形，牛柳粒放埋一邊，賣相好吸引！除此之外，牛柳粒嘅醬汁有啲似燒汁，咬落去亦都好鬆軟，連埋啲白飯一齊食，可以食幾碗白飯添！
兩個人食咗六樣食物，最後埋單都係＄500都唔使，位於銅鑼灣區有咁嘅價錢咁嘅質素，真係好少有，所以下次會再食過。张贴
