柴太郎咖啡店 (已結業)

以前聽朋友講西貢有間柴太郎cafe，有隻柴犬做店長，星期五那天，突然心血來潮好想到西貢見見柴太郎，於是決定下午到西貢逛逛及到cafe食個下午茶，下午茶2:30開始，我到達既時候係3:00，人流唔多，點了下午茶餐：煙三文魚牛油果沙律窩夫及Mocha 咖啡，下午茶餐包一杯$30飲品，如自選飮品超過$30，可補差額點自己喜歡既飲品。在等食物時，忍唔住到處影相，牆上有柴犬既畫同相片，非常可愛！仲有一個角落係寄賣動物小飾物，更有一個位置係貼著小朋友畫給柴太郎既畫，都幾窩心！雖然cafe地方唔大，但讓人感覺唔錯！詢問左職員，知道柴店長在散步中，會四點多嚟巡視業務，所以我便慢慢地享受個下午茶，飲品首先來，未見柴太郎真身，先來個柴太郎咖啡，咖啡面上有柴太郎既字同樣子，飲起上嚟真係特別開心！食完下午茶後，玩左一陣手機，柴太郎店長終於出場，太郎媽媽非常友善，教大家先讓太郎到處行吓！聞吓！先Warm up 吓！等一陣大家就可以同太郎影相同玩，柴店長入店第一時間就係走到廚房前，原來店長要落order ，係佢最愛既窩夫，真係好攪笑！過左一陣，經太郎媽媽指導下，同太郎玩遊戲同影相，太郎媽媽會同客人傾計，非常健談！