影片
家人一直推荐依间偏远小cafe，咖啡、窝夫必食？讲到咁高分梗系要去试啦~小店座位舒服、位置宁静，整体环境系唯一高分部份。食物方面 - Happy Tummy (全日早餐)︰份量富，单睇外表 $118 可以接受。炒蛋嫩滑但炒到碎湿湿，口感一般；配菜轻炒圣女茄，味道偏酸但因为落太多油，所以变得唔清爽；磨菇带有浓郁菇味，质素正常；小堆生菜淋上酸黑醋汁，平均返整体油腻；两条肉肠外皮煎脆，但脂肪比例较多，又多另一样令人饱济嘅食物；烟肉质素正常，只系加埋落成个餐中，变成腻上加腻；最后窝夫，一上碟已经见到烘焗时间唔够。虽然用料十足令中间够实在，但无脆边之余只要放凉一阵就变得好韧，完全唔系窝夫应有松软质地。低碳饮食加吐司︰份量都系足够，但额外加一块吐司加自制果酱几啖就要 $25，而且唔热、唔脆，好似摆到变冻咗。只系一块厚身白面包，太唔合常价吧！？其实果酱都唔系特别出色，我宁愿去食就近出名果酱吐司cafe会更开心。烟三文鱼都系现成货，质素一般且正常，无咩功夫可言；配菜圣女茄、磨菇同黑醋生菜同Happ Yummy餐一样，油腻；煎蛋中间有流心黄嘅，但落太多油喇，真心会食到好济。半个熟成牛油果软身而且有果香味，但当其他食物都多油嘅时候再加牛油果，感觉不太好了。饮品方面 - Latte︰咖啡师冲啡底已经闻唔到豆香，已经感觉味道会偏淡；上桌时见到奶泡又打得好厚实㖞，拉花都坚挺，但.....杯热Latte，系冻㗎.....真系无其他意见了。总结︰成餐感觉好似比屋企人呃咗咁，仲特登入西贡试。连成日大推想翻桌𠮶位，都话唔会再有下次。性价比真系除咗份量丰富，无其他加分位。大家可以去一试究竟，睇下会唔会每次都有唔同嘅水准或者惊喜？
继续阅读
难得放假好天，终于冇落雨，今次揸咗架车入西贡，可能因为时间仲早，唔系好塞车，泊咗喺附近停车场，打算食个lunch之后坐船去盐田梓行吓。喺市场街行行吓，见到旁边有白色嘅楼梯级，原来系间Cafe，我比佢个名「柴太郎咖啡店」吸引咗，以为入面真系有只柴犬😂😂😂 我二话不说就入咗去😅但原来里面系冇柴犬的(我估店主可能真系有养嘅)入到去装修好简洁，好舒服，有少少文清感觉，我叫左一杯冻斋啡同一杯冻Flat White，一个Happy Tummy (All Day Breakfast) 同埋一个辣蟹肉意粉。个All day breakfast份量啱啱好，意粉好多蟹肉，两个都好好味👍🏼市场街附近真系多咗好多小店同Cafe，下次要再嚟试吓其他Cafe😋
继续阅读
入西贡同住西贡嘅朋友见吓面我哋想揾一间坐得舒服嘅地方饮吓嘢于是去咗呢间柴犬做主题嘅Cafe 系宠物友善嘅餐厅环境坐得都几舒服我哋两个每人叫左杯咖啡又叫咗件cake☕️🍰一路食一路倾偈都几轻松我哋都错咗一段时间但系都冇俾人催我哋坐店入面又唔少柴犬嘅嘢碟上面都有好可爱嘅柴犬食物虽然唔系一级好食但系可能今日难得我平日放假店入边嘅嘢又好可爱令到我心情一级好🥰如果系钟意柴犬嘅朋友仔又咁啱去西贡都可以去呢间食吓嘢饮杯咖啡帮衬吓小店
继续阅读
第一次黎，星期六以为要等位，好彩唔驶。朋友叫咗个All Day, 卖相一般，不过都几大份。我叫咗个心太软配雪糕，等咗好耐都未到，然后黎嘅系窝夫雪糕?! 我咪同个男staff讲，唔系要呢个! 佢话你落咗呢个。最后话心太软卖晒。等咁耐，仲要黎错，唔好意思都冇句。真心唔happy😑 个甜品卖相真系一般，雪糕ok，个窝夫硬到砖头咁，切都切唔开，最后放弃咗大半旧。真心唔得，未食过咁嘅窝夫😅不推荐呢间，因为有更多选择。。
继续阅读
🐡四围游，周围食 - 柴太郎🐡西贡有好多Café，其中呢间柴太郎就以柴犬为主题。店主话本身真系会有只柴犬间中落嚟睇铺，但最近因为一D原因就无得落嚟了。好可惜见到唔柴柴真身。呢次嚟系食佢嘅下午茶Set：一份主食加一杯饮品🐟香蕉迷你窝夫配朱古力雪糕($88)🐟以Tea Set嚟讲，份量都叫刚刚好，有两个窝夫，同埋和种配料，每一样配料都同个窝夫好夹。好味道！🐟青苹果三文鱼多士($98)🐟用青苹果嚟配三文鱼，令到成个感觉Fresh咗。上面仲有D羊奶芝士，配沙律菜，Overall 都系Fresh嘅感觉，唔会好腻。环境都舒服，好适合同朋友一齐倾计食Tea。食物：🐠🐠🐠🐠🐠环境：🐠🐠🐠🐠🐠价钱：🐠🐠🐠🐠服务：🐠🐠🐠🐠Overall：🐠🐠🐠🐠
继续阅读