影片
更多
2023-07-11
1811 浏览
夏天除左為大家帶來炎熱既天氣之外，更重要係為一眾購物狂帶來耀眼既SUMMER SALE。同朋友係尖沙咀瘋狂買野之後，搵左間台灣菜試下。一入店舖，裝修十分別緻，除左一般餐枱之外，仲有幾張好有打卡感覺既卡位，顏色好夢幻，大大增加用餐舒適感。鹹蛋黃芋泥球（$78）（⭐⭐⭐⭐⭐）芋泥球一直都係台灣熱門小食，但由於工序繁複，係香港就好少見到，甚至係台灣既夜市，亦都唔係間間攤檔都整得好食。但呢間餐廳既芋泥球簡直令筆者感到驚艷！外面炸得十分香脆，咬落芋香爆棚，而且芋泥十分香滑，不稠不稔剛剛好，入面既鹹蛋亦係錦上添花，同芋香好夾，食唔停口！招牌牛肉麵（$118）（⭐⭐⭐⭐⭐）台灣牛肉麵出名就係人都知，但附隨有一撮牛油就唔係到到有。先講湯底，一個字濃！唔會淨係得咸味或者香料味，而似有好香濃既牛骨香，配搭面頭既蟲草花同麵條，令到整個麵既味道同口感都十分豐富。牛肉方面，則十分軟嫩，完全唔會有渣或者鞋口。至於碗邊既牛油就好香濃，同湯底混和，大大提高整碗香氣。松露魯肉飯（$88）（⭐⭐⭐⭐⭐）餐廳既魯肉飯絕對有台灣既味道，肉醬入面唔只有肉碎，更重要係落左黃金比例既肥肉，令到整碗魯肉飯唔會只得肉碎口感，而係有陣陣
鹹蛋黃芋泥球（$78）（⭐⭐⭐⭐⭐）芋泥球一直都係台灣熱門小食，但由於工序繁複，係香港就好少見到，甚至係台灣既夜市，亦都唔係間間攤檔都整得好食。但呢間餐廳既芋泥球簡直令筆者感到驚艷！外面炸得十分香脆，咬落芋香爆棚，而且芋泥十分香滑，不稠不稔剛剛好，入面既鹹蛋亦係錦上添花，同芋香好夾，食唔停口！
招牌牛肉麵（$118）（⭐⭐⭐⭐⭐）台灣牛肉麵出名就係人都知，但附隨有一撮牛油就唔係到到有。先講湯底，一個字濃！唔會淨係得咸味或者香料味，而似有好香濃既牛骨香，配搭面頭既蟲草花同麵條，令到整個麵既味道同口感都十分豐富。牛肉方面，則十分軟嫩，完全唔會有渣或者鞋口。至於碗邊既牛油就好香濃，同湯底混和，大大提高整碗香氣。
松露魯肉飯（$88）（⭐⭐⭐⭐⭐）餐廳既魯肉飯絕對有台灣既味道，肉醬入面唔只有肉碎，更重要係落左黃金比例既肥肉，令到整碗魯肉飯唔會只得肉碎口感，而係有陣陣豬油香，但同時亦唔會OVER左令到整碗飯好油膩。特別驚喜係餐廳配搭左黑松露，估唔到兩者十分夾，陣陣魯肉香又滲透住松露既菇菌香，好好味！
手工鳳梨酥麻糬蛋撻（$48）（⭐⭐⭐⭐⭐）平時鳳梨酥手信食到厭，呢個鳳梨酥+麻糬+蛋撻既三合一甜點絕對係心思菜式，滿足曬3樣都十分喜愛既筆者。先講鳳梨，筆者好怕整個酥都只係一PAT醬，餐廳正正調轉，每啖都食到鳳梨肉，口感滿滿。另外仲有能夠拉絲既麻糬，軟糯又Q彈，口感LEVEL UP。至於蛋液方面，亦做到十分滑口香甜，配搭埋整個甜點酥皮，讚！
宇治抹茶牛乳（$55）（⭐⭐⭐⭐⭐）見到餐廳唔同種類既飲品都忍唔住叫返杯解暑。平時飲抹茶牛乳好怕一係好甜變糖水綠茶，一係好怕抹茶同奶混唔好，口感鞋鞋。但餐廳既宇治抹茶牛乳就完完全全無呢兩個問題，唔會太甜之餘仲有好香濃牛乳味，整杯飲品亦都做到好滑身，味道十分和諧，啖啖滋味。
芭樂苦瓜汁（$52）（⭐⭐⭐⭐💢）台灣水果十分出名，估唔到係香港都有機會試到。先講苦瓜汁底，相信餐廳選購左正宗優質既苦瓜，所以整杯苦瓜汁完全無苦澀味，反而有種甘味，十分解渴消熱氣。加上芭樂既清甜，令到整杯果汁味道豐富，好配合成餐台灣菜。
~~~~~~~~~~~~~~~~~~~~~~~~~~臺北棧 (海港城) 尖沙咀廣東道5號海港城港威商場2樓2204-6號舖
👍地點方便
👍一流味道
👍台控必試
张贴
