添樂園 (已結業)

好耐無嚟過添樂園食我既至愛---腊腸雞飯了, 尋晚喺宋皇台波地踢波之後, 同兩個波友去食宵夜! 可能跑足九十分鐘既關係, 好肚餓呀腊腸雞飯之外, 仲叫左一碟鮮油多, 一杯凍奶茶, 除左煲仔飯之外, 添樂園有埋茶餐廳既食物, 因為隔離開埋類似澳門茶餐廳既食店, 兩間舖既食物可以互叫! 都好, 方便好似我呢種食客!腊腸雞飯到! 但係唔好即刻開蓋, 因為要再焗多三分鐘先會好食, 呢個係我既經驗, 唔係啲飯會唔夠熟! 腊腸咬落去有好多好香既肥油必出嚟, 好正! 雞件好多塊, 將甜豉油淋哂落去煲仔度食, oh! 好好食啊!茶餐廳食物既油多味道只係一般, 奶茶ok播, 夠滑, 不過最有信心始終係煲仔飯呢