至尊滿屋日本料理 (已結業)

想同老婆食放題，所以就揀左至尊滿屋，環境好寬敞，燈光都好足夠，位置亦係好易找。食放題點少食刺身，至尊滿屋刺身款式多，上得好快，好新鮮。刺身有三文魚、油甘魚、北寄貝、赤蝦、鮑魚片、希靈魚、帶子、八爪魚、彷松葉蟹腳和玉子我就最最中意油甘魚和赤蝦, 油甘魚厚切,入口帶油脂而且鮮甜，赤蝦鮮甜大隻。壽司都好多種類，特別係海膽手卷，入口即溶。仲有象拔蚌、黑松露油甘魚、帶子、三文魚腩壽司等，應有盡有，一定有你喜歡。炸物有點少得芝麻雞翼、天婦羅，質素都好高。最後每人都可以點Häagen-Dazs/Mövenpick雪糕一杯，食哂真係好飽。飲品方面有apple cider, hoegaarden ,罐裝飲品，盒裝既都有。